ბელგიის სამეფოში საქართველოს ახალგაზრდა ელჩის, ალექსანდრე ქიზიყურაშვილის ინიციატივით მოკლემეტრაჟიანი დოკუმენტური ფილმი გადაიღეს

მოკლემეტრაჟიანი ფილმი „ქართველი ხელოვანები ბელგიაში“, ბელგიის სამეფოში საქართველოს ახალგაზრდა ელჩის ალექსანდრე ქიზიყურაშვილის ინიციატივით გადაიღო ქართველმა კინოოპერატორმა თათია ლიპარტელიანმა. ფილმის მიზანია ქართველ და უცხოელ აუდიტორიას გააცნოს მხატვრობის, მოქანდაკეობისა და ფერწერის სფეროში მოღვაწე ქართული დიასპორის წარმომადგენლები.

რამდენიმე ვიდეო რუბრიკისგან შექმნილ ფილმში, წარმოდგენილნი არიან ბელგიაში მცხოვრები ქართველი ხელოვანები: დევი ხმალაძე, დავით ნათიძე, მერაბ სურვილაძე და თამარ რამიშვილი, აგრეთვე საქართველოში მოწვეული ბელგიელი ხელოვანი ჯულიან დემარე. დევი ხმალაძე მოქანდაკე და მულტიდისციპლინარული სახელოვნებო სივრცის „AtelierDevka“-ს დამფუძნებელია, მისი არაერთი ნამუშევარია გამოფენილი ბელგიისა და ჰოლანდიის გალერეებში, მათ შორის ჰოლანდიაში არსებულ ტონ შულტენის სახელობის თანამედროვე ხელოვნების მუზეუმში (Ton Schulten Museum).

ფილმში საკუთარ შემოქმედებაზე, ქალქ ბრიუსელის „Grand Place“-ის სარესტავრაციო სამუშაოებზე და მოქანდაკეობის, როგორც სახელოვნებო დარგის მზარდ პოპულარობაზე საუბრობს მოქანდაკე დავით ნათიძე, რომელიც 1994 წელს თბილისის სამხატვრო აკადემიის დამთავრების შემდეგ ბელგიაში, ქალაქ ანტვერპენში ცხოვრობს და აგრძელებს სახელოვნებო საქმიანობას. მისი მოქანდაკეობის სტილი გამოირჩევა განსხვავებული მასალების ჰარმონიულად შერწყმითა და მინიმალისტურ ფორმებში გამოსახვით.

ბელგიაში მოღვაწე ქართველი მხატვარი მერაბ სურვილაძე, რომელიც მესამე ათწლეულია ქალაქ ბრიუსელში ცხოვრობს, მაყურებელს საკუთარი შემოქმედებისა და მხატვრობის განსხვავებული სტილის შესახებ უყვება. მხატვარს, საკუთარი სახელოსნო აქვს „Brussels Art Factory“-ში, სადაც მისი ნამუშევრების დათვალიერებაა შესაძლებელი. ფილმში აგრეთვე ჩანს სურვილაძის ის ნახატი, რომელიც მხატვარმა ვენეციის ხელოვნების ბიენალეზე წარადგინა.

აღნიშნული ფილმის გადაღება ქართული ხელოვნებისა და კულტურის შესახებ ცნობადობის გაზრდის მიზნით, ბელგიის სამეფოში საქართველოს ახალგაზრდა ელჩის, ალექსანდრე ქიზიყურაშილის ინიციატივით, საქართველოს ახალგაზრდა ელჩის მანდატის ფარგლებში გადაიღეს, რომელიც საქართველოს საგარეო საქმეთა სამინისტროს და “ICMPD Georgia”-ს ერთობლივი ძალისხმევით ხორციელდება.

https://fb.watch/oNDwrZHa68/

(R)

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას