აშშ-ის პრეზიდენტის, ჯო ბაიდენის განცხადებით, მისი მხარდაჭერა ებრაელი ხალხისა და ისრაელის უსაფრთხოებისა და ისრაელის არსებობის უფლებისადმი უცვლელია, მაგრამ ისრაელმა სიფრთხილე უნდა გამოიჩინოს.

„ჩვენ გავაგრძელებთ ისრაელისთვის სამხედრო დახმარების აღმოჩენას მანამ, სანამ ისინი არ მოიშორებენ „ჰამასს“, მაგრამ ფრთხილად უნდა ვიყოთ - ისინი ფრთხილად უნდა იყვნენ. მთელი მსოფლიოს საზოგადოებრივი აზრი შეიძლება ერთ ღამეში შეიცვალოს, ვერ დავუშვებთ, ეს მოხდეს“, - აღნიშნა ბაიდენმა.

პრეზიდენტმა ასევე ისაუბრა ღაზაში დაკავებული მძევლების გათავისუფლებისა და რეგიონისთვის ჰუმანიტარული დახმარების მიწოდების უზრუნველყოფის მიზნით მისი ადმინისტრაციის მიერ გაწეულ სამუშაოზე.

„დაუღალავად ვმუშაობთ მძევლების უსაფრთხო დაბრუნებისთვის. მე პირადად უთვალავი საათი გავატარე, ალბათ 20 საათამდე კატარელებთან და ეგვიპტელებთან, ისრაელელებთან - მძევლების გათავისუფლების, სატვირთო მანქანების შესვლის, ჰუმანიტარული დახმარების გადაცემის უზრუნველსაყოფად. ჩვენ გამოვიყვანეთ 100-ზე მეტი მძევალი და არ ვაპირებთ გაჩერებას, სანამ თითოეულ მათგანს სახლში არ დავაბრუნებთ“, - აღნიშნა ბაიდენმა.