BUILDY App - იპოვე ყველაფერი რემონტისთვის ერთ აპლიკაციაში

რემონტი რომ ერთ-ერთი ყველაზე რთული პროცესია, ამაზე ბევრი თანხმდება. ამ თემასთან დაკავშირებით ჩნდება უამრავი კითხვა. მაგალითად - სად ვიყიდო? სად უფრო იაფია? სად უფრო ხარისხიანია? რომელ მაღაზიას აქვს ფასდაკლებები და ა.შ.

ახლა ეს ყველაფერი ისეთი მარტივი ხდება, როგორც არასდროს.

სულ მალე ჩაეშვება აპლიკაცია BUILDY, რომელიც მომხმარებლებს, სამშენებლო სარემონტო მასალების მომწოდებლებსა და მაღაზიებს ერთ ციფრულ სივრცეში გააერთიანებს.

დღევანდელი ცხოვრების რიტმის გათვალისწინებით, დრო განსაკუთრებით ფასობს, ამიტომ, ბილდი დაგეხმარებათ, რომ ონლაინ გაეცნოთ პროდუქტებს, შეუკვეთოთ, ან წინასწარი ინფორმაცია მიიღოთ იმ ნივთების შესახებ, რომელთა შეძენაც გსურთ - აპლიკაციის ძალიან მარტივი ფუნქციონალით, რამდენიმე წუთში მიიღებთ სამშენებლო და სარემონტო პროდუქტებზე სასურველ ინფორმაციას, დაზოგავთ დროს და ენერგიას.

BUILDY-ს სახით გექნებათ სამშენებლო და სარემონტო მასალების შესახებ ინფორმაციის მიღების ახალი წყარო. თუ აპლიკაციის საშუალებით გადაწყვეტთ ყიდვას, ამისთვის უმარტივესი რეგისტრაციის გავლა დაგჭირდებათ, დათვალიერებისთვის კი რეგისტრაცია საჭირო არ არის.

მომწოდებლებს შეეძლებათ ჩაამატონ თავიანთი პროდუქცია, განათავსონ ინფორმაცია ფასდაკლებების შესახებ, განაახლონ ფასები და ა.შ.

აღსანიშნავია, რომ BUILDY საქართველოს ბაზარზე იქნება ამ მიმართულებით პირველი აპლიკაცია.

აპლიკაციაში კი დაგხვდებათ პროდუქციის კატალოგი, შეგეძლებათ სასურველი პროდუქციის მოძებნა, გექნებათ ასევე სხვადასხვა მომწოდებლის პროდუქციის შედარების შესაძლებლობა, ცალკე განყოფილება იქნება ფასდაკლებებისა და სხვა შეთავაზებებისთვის, შერჩეულ პროდუქტს კი სურვილების სიაში დაამატებთ. გარდა ამისა BUILDY-ს საშუალებით უსაფრთხოდ შეიძენთ სასურველ პროდუქტს, რომელსაც კომფორტული მიტანის სერვისის გამოყენებით მიიღებთ სასურველ მისამართზე თბილისის მასშტაბით.

BUILDY-ს აპლიკაციის გამოყენება ძალიან მარტივია. ის საშუალებას მოგცემთ, მოიძიოთ, შეადაროთ და შეიძინოთ სასურველი პროდუქცია ძალიან მარტივად, ონლაინ გადახდის მარტივი და უსაფრთხო მეთოდით. ის გააერთიანებს მშენებლობა-რემონტით დაინტერესებულ პირებს.

რისი ყიდვა შეგეძლებათ?

ბილდის ონლაინ კატალოგში გაერთიანდება სხვადასხვა სამშენებლო თუ სარემონტო მასალები - ლაქები, საღებავები, მოსაპირკეთებელი მასალები, სამშენებლო ხელსაწყოები, სანტექნიკის მასალები, კლიმატური ტექნიკა, ავეჯი და დეკორი, განათება, ელექტრო პროდუქცია და ა.შ.

BUILDY სამშენებლო პროექტების მართვის კომპანია სიემისა და მრავალპროფილური ტექნოლოგიური კომპანია ნიქსტონის კოლაბორაციით იქმნება. პროექტი USAID-ის ეკონომიკური უსაფრთხოების პროგრამის ფინანსური მხარდაჭერით ხორციელდება.

(R)