ბრიუსელის ქუჩებში ღაზის სექტორში ცეცხლის დაუყოვნებლივ შეწყვეტის მოთხოვნით დაახლოებით 27 000 ადამიანი გამოვიდა, - ინფორმაციას ადგილობრივი მედია ავრცელებს.

აქციის ორგანიზატორები იყვნენ საზოგადოებრივი ორგანიზაციები, მათ შორის, ადამიანის უფლებათა ლიგა, და Amnesty International-ი.

ადამიანის უფლებათა საერთაშორისო ფედერაციის წარმომადგენელმა, ალექსის დესვაეფმა აქციაზე განაცხადა, რომ ღაზის სექტორში საგანგებო ვითარებაა: „წყლისა და საკვების ყველა წყარო გათიშულია, არსებობს შიმშილის საფრთხე, სკოლებსა და საავადმყოფოებს თვითნებურად ბომბავენ. ”

აქციის მონაწილეებს ხელში სხვადასხვა შინაარსის პლაკატები ეჭირათ, მათ შორის წარწერით : „ნეიტრალიტეტის შენარჩუნება = თანამონაწილეობას“.

მედიის ინფორმაციით, აქციამ მნიშვნელოვანი დარღვევების გარეშე ჩაიარა.