ევროკავშირი კანდიდატი ქვეყნების გაწევრიანებას შეაყოვნებს, - ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

როგორც ერდოღანი აღნიშნავს, კანდიდატის სტატუსის მინიჭება არ ნიშნავს, რომ ისინი ევროკავშირის წევრები გახდებიან.

„მათთან დაიწყება პროცესი, მაგრამ ისინიც შეყოვნდებიან“, - განაცხადა ერდოღანმა.

ერდოღანმა აღნიშნა, რომ თურქეთი ევროკავშირის წევრობისთვის სხვა სახელმწიფოებზე მეტად არის მზად, მაგრამ პოლიტიკური დაბრკოლებების გამო კართან ლოდინი უწევს.

ცნობისთვის, თურქეთმა ევროკავშირში გაწევრიანების შესახებ მოლაპარაკებები 2005 წელს დაიწყო.