პოლონეთის პრეზიდენტმა, ანჯეი დუდამ დონალდ ტუსკის მიერ განხორციელებულ სახელმწიფო მედიის რეფორმას ანარქიული უწოდა.

„ეს სრულიად უკანონო ქმედებებია. ეს ანარქიაა“, - განაცხადა პოლონეთის პრეზიდენტმა, ანჯეი დუდამ.

დუდამ აღნიშნა, რომ მთავრობამ კონსტიტუცია დაარღვია, რადგან მოულოდნელი ქმედებებით მათ შესაბამისი საპარლამენტო პროცედურები გამოტოვეს.

შეგახსენებთ, რომ ოთხშაბათს, პოლონეთის ახალმა მთავრობამ მიუკერძოებლობის აღდგენის მიზნით, საზოგადოებრივი საინფორმაციო არხი ეთერიდან მოხსნა და სახელმწიფო მედიის ხელმძღვანელობა თანამდებობიდან გაათავისუფლა.