ბელარუსის პრეზიდენტი, ალექსანდრე ლუკაშენკო რუსეთში ჩავიდა. ამის შესახებ ინფორმაციას ბელარუსული სახელმწიფო გამოცემა „ბელტა“ ავრცელებს.

ჟურნალისტების შეკითხვაზე, არის თუ არა შანსი, რომ უკრაინის საკითხი მომავალ წელს გადაწყდეს, ლუკაშენკომ უპასუხა, რომ შანსი არის და ეს უკრაინისთვის ერთადერთი შანსია.

ამასთან, ლუკაშენკოს თქმით, თუ ომი 2024 წელს არ დასრულდება, სრული კრახი იქნება.

„ვფიქრობ, არის შანსი. ჩვენ უფრო მჭიდროდ ვითანამშრომლებთ მათთან, რათა გაიგონ, რომ ეს ერთადერთი შანსია. თუ ამას არ გამოიყენებენ, სრული კრახი იქნება. ზეწოლა უკვე ძალიან ძლიერია. თქვენ ალბათ ზელენსკის პრესკონფერენციიდან შენიშნეთ, რომ ის ამის გაგებას იწყებს“, - განაცხადა ლუკაშენკომ.