მარნეულის მუნიციპალიტეტის მერმა კენან ომაროვმა და საგარეჯოს მუნიციპალიტეტის მერმა ავთანდილ გულიკაშვილმა, ურთიერთთანამშრომლობის მემორანდუმს მოაწერეს ხელი.

მარნეულის მუნიციპალიტეტის მერიის ცნობით, მარნეულის მუნიციპალიტეტს, საგარეჯოს მუნიციპალიტეტს, „კავკასიის საერთაშორისო პროგრამების ბიუროსა“ და საქართველოს ტექნიკურ უნივერსიტეტს შორის ურთიერთშეთანხმების მემორანდუმი გაფორმდა.

„აღსანიშნავია, რომ მარნეულისა და საგარეჯოს მუნიციპალიტეტები ევროპის საფესტივალო ქალაქების პლატფორმის წევრები არიან. სწორედ ამ პროექტის ფარგლებში შეიქმნა „კულტურა, ღვინო და ტექნოლოგიების ქალაქების პლატფორმა“, რომელიც ორი მუნიციპალიტეტის პოპულარიზაციას, კულტურული იდენტობის შენარჩუნებას და ეკონომიკური კეთილდღეობის გაუმჯობესებას შეუწყობს ხელს.

ოფიციალურ შეხვედრას საკრებულოს თავმჯდომარე ამირან გიორგაძე, მარნეულის მერის მოადგილეები და მარნეულისა და საგარეჯოს მუნიციპალიტეტების სტრუქტურული ერთეულების ხელმძღვანელი პირები ესწრებოდნენ“, - აღნიშნულია ინფორმაციაში.