გიგი წერეთელი - პოლიტიკური სპექტრისთვის და ამომრჩევლისთვის ამოცანები არ იცვლება - მთავარია, ეს ხელისუფლება შევცვალოთ, შემდეგ ივანიშვილს შეუძლია, ოპოზიციის ლიდერი წარმატებით იყოს
ევროპული საქართველოს პოლიტსაბჭოს თავმჯდომარის, გიგი წერეთლის განცხადებით, „პოლიტიკური სპექტრისთვისა და ამომრჩევლისთვის, ვისაც საქართველოში პროგრესი სურს, არაფერი სიახლე არ ხდება და ამოცანები არ იცვლება, მთავარია, რომ ეს ხელისუფლება შევცვალოთ“.
როგორც წერეთელმა ბიძინა ივანიშვილის პოლიტიკაში დაბრუნების საკითხის შეფასებისას განაცხადა, ივანიშვილი არც არსად წასულა, ყოველთვის იყო „ოცნებასთან“ და ყველა მნიშვნელოვან გადაწყვეტილებაში უდიდეს გავლენას ახდენდა.
მისი თქმით, სწორედ ამიტომ იყო ერთ-ერთი მთავარი პირობა დეოლიგარქიზაცია საქართველოს მომავალი ევროინტეგრაციის საკითხში.
„ვფიქრობ, რომ ეს ნაბიჯი კიდევ უფრო გაართულებს დეოლიგარქიზაციის ამოცანას და ბევრად უფრო ნათელს გახდის ოლიგარქიულ ზეგავლენას ქართული პოლიტიკაზე, უფრო კონკრეტულად კი, მმართველ პარტიაზე.
დანარჩენი პოლიტიკური სპექტრისთვისა და ამომრჩევლისთვის, ვისაც სურს ამ ქვეყანაში პროგრესი, არაფერი სიახლე არ ხდება და ამოცანები არ იცვლება. მთავარია, რომ ჩვენ შევცვალოთ ეს ხელისუფლება. შემდეგ, ივანიშვილს შეუძლია, რომ ოპოზიციის ლიდერი წარმატებით იყოს“,- განაცხადა გიგი წერეთელმა, რომლის კომენტარსაც პარტიის პრესსამსახური ავრცელებს.
