ჩინეთში დიდი ბრიტანეთის სასარგებლოდ ჯაშუშობაში ბრალდებული პირი დააკავეს, - ამის შესახებ ინფორმაციას ჩინეთის სახელმწიფო უშიშროების სამინისტრო ავრცელებს.

ჩინეთის სახელმწიფო უშიშროების სამინისტროს ცნობით, ჯაშუშობაში ბრალდებული პირი, გვარად „ჰუანგი“, დიდ ბრიტანეთთან 2015 წლიდან თანამშრომლობდა.

უშიშროების უწყების განცხადებაში ნათქვამია, რომ „ჰუანგი“ სახელმწიფო საიდუმლო ინფორმაციას დიდი ბრიტანეთის საგარეო დაზვერვის (MI6) სამსახურისთვის აგროვებდა.