ქართული ხორცპროდუქტების ბაზარზე ახალი ბრენდი „კმაზული“ გამოჩნდა. „კმაზულის“ ბრენდმა ფუნქციონირება ყველაზე პოპულარული პროდუქტით, საუცხოოდ შეკმაზული, გემრიელი სოსისების წარმოებით დაიწყო.

საქართველოს ბაზარზე მზა ხორცპროდუქტების მიმართ მოთხოვნა წლიდან წლამდე იზრდება, ადგილობრივი რესურსი კი არასაკმარისია, ამის შედეგად ბაზარზე იმატა იმპორტირებულმა ბრენდებმა. როგორც საწარმოში აცხადებენ, სწორედ ეს იყო გადაწყვეტილების მიღების ერთ-ერთი მთავარი წინაპირობა, რის შედეგადაც ხორცპროდუქტების ახალი ბრენდი შექმნეს. ადგილობრივი ფერმერები, ამ ეტაპზე, სოსისის ორ სახეობას, ივერიას და რძიანს ამზადებენ, სახეობების დამატებაზე კი პარალელურ რეჟიმში მუშაობენ.

„მომხმარებელს, ახალი ტექნოლოგიით და განსაკუთრებული გემოვნური თვისებებით დამზადებულ ხორცპროდუქტებს ვთავაზობთ „კმაზულის“ სახელით. ადგილობრივი წარმოება, საშუალებას გვაძლევს ჩვენს პარტნიორ ფერმერებთან მჭიდრო კავშირი შევინარჩუნოთ და ამგვარად, უსაფრთხო და გემრიელი პროდუქტი ვაწარმოოთ, ხელისაწვდომ ფასებში.“ - აცხადებენ საწარმოში.

ადგილობრივი ხორცპროდუქტების საწარმოსთვის, ამ ეტაპზე, ერთ-ერთი მთავარი მიმართულება კორპორატიული მომსახურება და ჰორეკა სექტორთან თანამშრომლობაა. ნებისმიერი ტიპის სასტუმროს, რესტორანსა თუ კვების ობიექტს, რომელიც დაინტერესებულია ქართული ხორცპროდუქტების შეძენით, „კმაზული“ ინდივიდუალურ თანამშრომლობას და მათზე მორგებულ პირობებს სთავაზობს.

ახლო მომავალში, „კმაზულის“ საქონლისა და ქათმის სოსისების შეძენა მარკეტებსა და სუპერმარკეტებშიც იქნება შესაძლებელი.

(R)