ჩინეთი ირანსა და პაკისტანს თავშეკავებისკენ მოუწოდებს, - ამის შესახებ ჩინეთის საგარეო საქმეთა სამინისტროს სპიკერმა, მაო ნინგმა განაცხადა.

„ჩვენ ორივე მხარეს მოვუწოდებთ, რომ თავშეკავება გამოიჩინონ, მოერიდონ ისეთ ქმედებებს, რომლებიც დაძაბულობის ესკალაციას გამოიწვევს და მშვიდობისა და სტაბილურობის შესანარჩუნებლად ერთად იმუშაონ“, - განაცხადა ჩინეთის საგარეო საქმეთა სამინისტროს სპიკერმა, მაო ნინგმა.

„ჩვენ ორივეს, ირანსა და პაკისტანს, როგორც ახლო მეზობლებსა და მთავარ ისლამურ სახელმწიფოებს, ისე განვიხილავთ“, - აღნიშნა მაო ნინგმა.

შეგახსენებთ, ისლამაბადის ხელისუფლებამ განაცხადა, რომ ირანმა სარაკეტო იერიში განახორციელა, რომელსაც ორი ბავშვი ემსხვერპლა.