იუსტიციის მინისტრი - პარლამენტს უახლოეს პერიოდში წარედგინება კანონპროექტი და მისი მიღების შემდეგ მოსახლეობას უფრო მეტად გაუმარტივდება ის სამართლებრივი ურთიერთობები, რაც უკავშირდება ქირასა და იჯარას

პარლამენტს უახლოეს პერიოდში წარედგინება კანონპროექტი და მისი მიღების შემდეგ მოსახლეობას კიდევ უფრო მეტად გაუმარტივდება ის სამართლებრივი ურთიერთობები, რაც უკავშირდება ქირასა და იჯარას, - ამის შესახებ იუსტიციის მინისტრმა რატი ბრეგაძემ განაცხადა. მისი თქმით, პროექტზე მუშაობა უკვე დასრულებულია.

„ინიციატივაზე მუშაობა არის დასრულებული, პარლამენტს წარედგინება უახლოეს პერიოდში, საგაზაფხულო სესიაზე და მას შემდეგ რაც კანონი იქნება მიღებული, ჩვენს მოსახლეობას კიდევ უფრო მეტად გაუმარტივდება ის სამართლებრივი ურთიერთობები, რაც უკავშირდება ქირასა და იჯარას. რაც შეეხება გამოსახლებას, მას ახორციელებს არა უშუალოდ აღმასრულებელი, არამედ აღსრულების პოლიცია, თუ ადამიანი არ თანხმდება შესაბამის გადაწყვეტილებებს. მხოლოდ მას შემდეგ მოხდება გამოსახლება, რაც ხელშეკრულებით დადასტურდება, რომ ერთ ერთი მხარე არ ასრულებს ხელშეკრულებით ნაკისრ ვალდებულებებს. თუმცა, მთელი ის პროცესი, რაც ახლა უწევს ადამიანს, რომ თუკი მის ბინაში ქირით ცხოვრობს ვინმე, არ ასრულებს ვალდებულებებს და შეიძლება წლებიც ცხოვრობდეს, ბევრად უფრო შემოკლდება და სულ რამდენიმე თვეში დასრულდება ეს პროცესი“, - განაცხადა ბრეგაძემ.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას