აშშ-ის პრეზიდენტმა, ჯო ბაიდენმა წითელი ზღვის, ღაზის სექტორისა და უკრაინის შესახებ დიდი ბრიტანეთის პრემიერ-მინისტრ, რიში სუნაკთან სატელეფონო საუბარი გამართა. ამის შესახებ ინფორმაციას თეთრი სახლის ეროვნული უსაფრთხოების საბჭოს სპიკერი, ჯონ კირბი ავრცელებს.

„მათ იმის შესახებ ისაუბრეს, რაც წითელ ზღვაში ხდება და „ჰუსიტების“ შესაძლებლობების დარღვევისა და დაქვეითების მიზნით საერთაშორისო მრავალმხრივი მიდგომის აუცილებლობა განიხილეს“, - განაცხადა ჯონ კირბიმ.

ჯონ კირბის ცნობით, ბაიდენმა და სუნაკმა ღაზაში მშვიდობიანი მოსახლეობის მსხვერპლის რაოდენობის შემცირებისა და ჰუმანიტარული დახმარების მიწოდების გაზრდის აუცილებლობაზე ისაუბრეს.

ასევე, ჯონ კირბიმ აღნიშნა, რომ აშშ-ის პრეზიდენტმა და დიდი ბრიტანეთის პრემიერმა უკრაინის დამატებითი დაფინანსებისა და მხარდაჭერის გადაუდებელი საჭიროების შესახებაც ისაუბრეს.