შვედეთის ნატო-ში გაწევრიანების საკითხის განსახილველად ვიქტორ ორბანი შვედეთის პრემიერ-მინისტრს ბუდაპეშტში იწვევს
შვედეთის ნატო-ში გაწევრიანების საკითხის განსახილველად ვიქტორ ორბანი შვედეთის პრემიერ-მინისტრს ბუდაპეშტში იწვევს.
„დღეს, შვედეთის ნატო-ში გაწევრიანების შესახებ მოლაპარაკებების მიზნით შვედეთის პრემიერ-მინისტრს, ულფ კრისტერსონს უნგრეთში ვიზიტის მოწვევის წერილი გავუგზავნე“, - წერს ვიქტორ ორბანი X-ზე.
შეგახსენებთ, რომ უნგრეთი და თურქეთი ნატო-ს უკანასკნელი წევრები არიან, რომლებსაც ეროვნულ პარლამენტებში შვედეთის ალიანსის წევრობის წინადადების რატიფიცირება არ მოუხდენიათ.
