ანა კაკაბაძე - თბილისის მერია მიმდინარე წელს ძალიან ბევრ  მასშტაბურ და კარგ პროექტს განახორციელებს, რომლებიც უკვე დაანონსებულია

თბილისის მერია მიმდინარე წელს ძალიან ბევრ მასშტაბურ და კარგ პროექტს განახორციელებს, რომლებიც უკვე დაანონსებულია, - ამის შესახებ თბილისის საკრებულოს უმრავლესობის წევრმა, ანა კაკაბაძემ დღევანდელ საკრებულოს სხდომაზე განაცხადა.

ან კაკაბაძის თქმით, ერთ-ერთი მნიშვნელოვანი საკითხი, რომელსაც მუნიციპალიტეტი ასრულებს, ბავშვებზე ზრუნვაა.

„მიმდინარე წელს თბილისის მერმა გააჟღერა სიახლე, რომ ბაგა-ბაღებში 12 ათასამდე თანამშრომელს 15%-იანი ხელფასის ზრდა ექნება. წელს უკვე გაიხსნა სრულად რეაბილიტირებული ორი ახალი საბავშვო ბაღი. ბაღების სიმცირე ყოველთვის აღინიშნებოდა და ეს იყო გამოწვევა. მიხარია, რომ 2017 წლის მერე 23 ახალი ბაღი აშენდა, 11-ს კი სრულად ჩაუტარდა რეაბილიტაცია“, - განაცხადა ანა კაკაბაძემ.

დღესვე, უმრავლესობის წევრი ანა კაკაბაძე საკრებულოს სხდომაზე ოპოზიციური პარტიების განცხადებას გამოეხმაურა და აღნიშნა, რომ მიმდინარე წელს უკვე 23 მოქალაქეს გადაეცა საცხოვრებელი ფართი.

„ადგილობრივი მუნიციპალიტეტი ყოველთვის ზრუნავს მოქალაქეებზე. მიმდინარე წელს 23 მოქალაქეს უკვე გადაეცა საცხოვრებელი ფართი. რაც კახა კალაძეა მერი, 2017 წლიდან დღემდე, 3000-მდე ოჯახს გადაეცა საცხოვრებელი ფართი. რიცხვები გესაუბრებათ თქვენ და არა ის მოგონილი ფაქტები, რომლებსაც ჩემი ოპოზიციონერი კოლეგები ხშირად იყენებთ. ჩემი მხარდაჭერა ყველა ინიციატივას, რადგან განვითარებას არ აქვს ალტერნატივა“, - განაცხადა ანა კაკაბაძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!