შვედეთის პრემიერ-მინისტრი ვიქტორ ორბანის მიერ ბუდაპეშტში მიწვევას გამოეხმაურა

შვედეთის პრემიერ-მინისტრი, ულფ კრისტერსონი უნგრეთის პრემიერ-მინისტრის, ვიქტორ ორბანის მიერ ბუდაპეშტში მიწვევას გამოეხმაურა.

შვედეთის პრემიერ-მინისტრის საპასუხო წერილი შვედურმა მედიამ გამოაქვეყნა, რომელშიც მან ვიქტორ ორბანს უნგრეთში მიწვევისთვის მადლობა გადაუხადა.

„როგორც აღნიშნეთ, არსებობს რამდენიმე საკითხი, რომელიც ორმხრივ დონეზე ჩვენს საერთო ინტერესებს მოიცავს და Gripen-ის საბრძოლო თვითმფრინავებს, უნგრეთის მომავალი თავმჯდომარეობის გათვალისწინებით ევროკავშირს და ნატო-ში თანამშრომლობას ეხება, სადაც ჩვენ მოკავშირეები ვართ“, - წერს შვედეთის პრემიერ-მინისტრი.

ულფ კრისტერსონმა აღნიშნა, რომ უნგრეთის პარლამენტის მიერ შვედეთის ნატო-ში გაწევრიანების წინადადების რატიფიცირება ორმხრივ ურთიერთობებში ნდობისა და ურთიერთგაგების გასაძლიერებლად მყარ საფუძველს შექმნის.

„ბუდაპეშტში, ორივესთვის ხელსაყრელ დროს, ზემოთ აღნიშნული საკითხების თქვენთან ერთად განხილვას მოუთმენლად ველი. ჩვენ, ასევე, 1-ელ თებერვალს ბრიუსელში ევროპული საბჭოს მნიშვნელოვან სხდომაზე შეხვედრის შესაძლებლობა გვექნება“, - აღნიშნა ულფ კრისტერსონმა.

შეგახსენებთ, 23 იანვარს უნგრეთის პრემიერ-მინისტრმა, ვიქტორ ორბანმა შვედი კოლეგა ბუდაპეშტში, შვედეთის ნატო-ში გაწევრიანების საკითხის განსახილველად მიიწვია. მოგვიანებით, თურქეთის პარლამენტმა შვედეთის ნატო-ში გაწევრიანების წინადადების რატიფიცირება მოახდინა. შესაბამისად, უნგრეთი ალიანსის უკანასკნელი წევრია, რომლის პარლამენტსაც შვედეთის გაწევრიანების პროტოკოლის რატიფიცირების შესახებ კენჭისყრა ამ დრომდე არ ჩაუტარებია.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის