კახა კალაძე - ახალ საპილოტე პროექტზე მიმდინარეობს მუშაობა, რომელიც სატრანსპორტო საშუალებების ხმაურის დონის დამდგენი დეტექტორების დაყენებას ითვალისწინებს

ახალ საპილოტე პროექტზე მიმდინარეობს მუშაობა, რომელიც სატრანსპორტო საშუალებების ხმაურის დონის დამდგენი დეტექტორების დაყენებას ითვალისწინებს - სადაც დეტექტორები განთავსდება, ნორმის დამრღვევი სატრანსპორტო საშუალების დადგენა მოხდება და დაჯარიმება,- ამის შესახებ თბილისის მერმა, კახა კალაძემ დედაქალაქის მთავრობის სხდომაზე განაცხადა.

როგორც მან აღნიშნა, ქალაქში ბოლო პერიოდში ავტოსატრანსპორტო საშუალებების მხრიდან გახშირდა ხმაურისთვის დაწესებული ნორმების დარღვევა.

„განსაკუთრებით მძიმე მდგომარეობა არის ღამის საათებში, რითაც მოსახლეობა წუხდება. ცხადია, რომ საღამოს ადამიანი ისვენებს და ეს ხმაურიანი ავტოსატრანსპორტო საშუალებები გარკვეულ დისკომფორტს უქმნის ადამიანს. აღნიშნულიდან გამომდინარე, თბილისის მუნიციპალური სერვისების განვითარების სააგენტომ შინაგან საქმეთა სამინისტროსთან ერთად დაიწყო ახალ საპილოტე პროექტზე მუშაობა, რომელიც ითვალისწინებს სატრანსპორტო საშუალებების ხმაურის დონის დამდგენი დეტექტორების დაყენებას. ჩვენ, აქტიურად ვთანამშრომლობთ შინაგან საქმეთა სამინისტროსთან და ერთად განისაზღვრება ადგილები, სადაც აღნიშნული დეტექტორები განთავსდება, ნორმის დამრღვევი სატრანსპორტო საშუალების დადგენა მოხდება და შესაბამისად დაჯარიმება.

ხმაურის დეტექტორები დამზადებულია ჰოლანდიური კომპანიის მიერ და განთავსებულია რამდენიმე ევროპულ ქალაქში, საპილოტე პროექტის ფარგლებში ვაპირებთ დედაქალაქშიც განხორციელდეს, დავაკვირდებით, ანალიზის შედეგად შესაძლებელი იქნება აღნიშნული დეტექტორების სხვადასხვა ქუჩასა თუ გამზირზე დამონტაჟება“,- აღნიშნა კალაძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო