ვიქტორია ნულანდი კიევში ჩავიდა, - ამის შესახებ ინფორმაციას უკრაინაში აშშ-ის ელჩი, ბრიჯიტ ბრინკი ავრცელებს.

უკრაინაში აშშ-ის ელჩმა განაცხადა, რომ აშშ-ის სახელმწიფო მდივნის მოადგილე, ვიქტორია ნულანდი უკრაინის მთავრობის წარმომადგენლებს, სამოქალაქო საზოგადოებასა და ვეტერანებს შეხვდება, რათა რუსული აგრესიის წინააღმდეგ ბრძოლაში აშშ-ის მხარდაჭერა კიდევ ერთხელ დაადასტუროს.

ცნობისთვის, რამდენიმე დღის წინ, უკრაინაში ამერიკელი ინსპექტორები ჩავიდნენ და უკრაინისთვის აშშ-ის მიერ მიწოდებული დახმარების შესწავლის საკითხი უკრაინის თავდაცვის მინისტრთან, რუსტემ უმეროვთან განიხილეს.