აშშ-ის სენატის უმრავლესობის ლიდერის განცხადებით, უკრაინის დახმარების საკითხზე კენჭისყრა მომავალ კვირაში გაიმართება

აშშ-ის სენატი მიგრაციის და უკრაინის დახმარების საკითხებზე შეთანხმების მიღწევას უახლოვდება და მის გამოქვეყნებას პარასკევს გეგმავს, - Bloomberg-ის ინფორმაციით, ამის შესახებ სენატის უმრავლესობის ლიდერმა, ჩაკ შუმერმა განაცხადა.

მისივე თქმით, შეთანხმება საზოგადოებისთვის ხელმისაწვდომი გახდება არა უგვიანეს კვირას და რომ სენატი პირველ პროცედურულ კენჭისყრას არაუგვიანეს 7 თებერვალს გამართავს.

„ზოგიერთ საკითხს ჯერ კიდევ სჭირდება გადაწყვეტა, მაგრამ ძალიან ვუახლოვდებით“, - აღნიშნა შუმერმა.

შეგახსენებთ, „რესპუბლიკური პარტიის“ წარმომადგენლები აშშ-მექსიკის საზღვარზე არალეგალური იმიგრაციის შესაჩერებლად თეთრი სახლისგან გადამწყვეტ ზომებს ითხოვენ.

აღნიშნულ საკითხზე არსებული დაპირისპირების გამო, კონგრესში შეჩერებულია დამატებითი დაფინანსების პაკეტის დამტკიცება, რომელიც უკრაინისთვის 61 მილიარდი აშშ დოლარის გამოყოფას ითვალისწინებს.

თეთრ სახლში არაერთხელ განაცხადეს, რომ აღარ აქვთ სახსრები უკრაინისთვის ახალი სამხედრო მხარდაჭერის დასაფინანსებლად და კონგრესმა გადაწყვეტილება რაც შეიძლება სწრაფად უნდა მიიღოს.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ