ლევან ხაბეიშვილი - „ქართულ ოცნების“ ინტერესი ქართველი ხალხის კეთილდღეობა არ არის - არც ეკონომიკა გაიზრდება და არც არც სამუშაო ადგილები შეიქმნება, რაღაც მაგიდის გარშემო რამდენიმე ადგილი შეიცვალა

სამწუხაროა, რომ მათ [„ქართულ ოცნებას“] პოლიტიკური გადაადგილებები უფრო აინტერესებთ, ვიდრე ხალხის პრობლემები - ეს გადაადგილება კიდევ ერთხელ გვეუბნება ერთ რამეს - მათი ინტერესი ქართველი ხალხის კეთილდღეობა არ არის,- ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა სამთავრობო ცვლილებებთან დაკავშირებით განაცხადა.

როგორც მან ჟურნალისტებთან საუბრისას აღნიშნა, „რაღაც მაგიდის გარშემო რამდენიმე ადგილი შეიცვალა“.

„სამწუხაროა, რომ მათ პოლიტიკური გადაადგილებები უფრო აინტერესებთ, ვიდრე ხალხის პრობლემები. ხვალიდან არც ემიგრაციიდან დაბრუნდება ხალხი; ემიგრაციაში წასვლას ვინც ფიქრობს, არც ის დაბრუნდება; არც ეკონომიკა არ გაიზრდება; არც გაზრდილი ფასები დაიკლებს; არც ახალი სამუშაო ადგილები შეიქმნება. რაღაც მაგიდის გარშემო რამდენიმე ადგილი შეიცვალა. უნდა გვესმოდეს, რომ ამ ადამიანების ინტერესი ქართველ ხალხზე ზრუნვა არ არის. ისინი ზრუნავენ ივანიშვილის გამდიდრებაზე, საკუთარი ვილების აშენებაზე და საკუთარი სიმდიდრის შეძენაზე და არა ხალხის კეთილდღეობაზე ან სამუშაო ადგილებზე. ამიტომ, ეს გადაადგილება კიდევ ერთხელ გვეუბნება ერთ რამეს - მათი ინტერესი ქართველი ხალხის კეთილდღეობა არ არის“,- განაცხადა ლევან ხაბეიშვილმა.

პაატა ზაქარეიშვილი - ჟენევის ფორმატი შეიქმნა რუსეთ-საქართველოს ომის შემდეგ და მას არანაირი კავშირი არ აქვს სოხუმთან და ცხინვალთან, რადგან ლავროვი ამას სოხუმის ხელით აკეთებს, ეს უფრო არის პიარი, პროპაგანდა და დემაგოგია
ქართული პრესის მიმოხილვა 29.02.2024
საქართველოს უნივერსიტეტმა 100 000-ლარიანი ფონდის გამარჯვებული პირველკურსელები გამოავლინა
ბერლინის ფილარმონიული ორკესტრის ევროპაკონცერტი წინანდალში
საერთაშორისოდ ცნობილი ბრენდები ევროპროდუქტში