რუსეთის პრეზიდენტობისთვის ბრძოლას ოთხი კანდიდატი განაგრძობს, ცესკო-მ სამ კანდიდატს რეგისტრაციაზე უარი განუცხადა

რუსეთის ფედერაციის პრეზიდენტის პოსტისთვის ბრძოლას ოთხი კანდიდატი განაგრძობს: ამჟამინდელი პრეზიდენტი ვლადიმერ პუტინი, ლიბერალურ-დემოკრატიული პარტიის ლიდერი ლეონიდ სლუცკი, პარტია „ახალი ხალხის“ კანდიდატი ვლადისლავ დავანკოვი და „კომუნისტური პარტიის“ წევრი ნიკოლაი ხარიტონოვი, - ინფორმაციას რუსული საინფორმაციო სააგენტო Tass-ი ავრცელებს.

სააგენტოს ცნობით, ცენტრალურმა საარჩევნო კომისიამ რეგისტრაციაზე უარი სამ კანდიდატს განუცხადა: ბლოგერ რადა რუსკიხს, „რუსეთის კომუნისტების“ კანდიდატს, სერგეი მალინკოვიჩს და „სამოქალაქო ინიციატივის“ კანდიდატს ბორის ნადეჟდინს. უარის მიზეზი, ცესკო-ს მტკიცებით, ის იყო, რომ კანდიდატებმა რეგისტრაციისთვის საჭირო რაოდენობის ხელმოწერები ვერ წარადგინეს.

ამრიგად, რუსეთის ცენტრალური საარჩევნო კომისიის გადაწყვეტილებით, რეგისტრაციის პროცესი, რომელიც 10 თებერვალს სრულდება, წარმატებით მხოლოდ სლუცკიმ, ხარიტონოვმა, პუტინმა და დავანკოვმა გაიარეს.

შეგახსენებთ, რუსეთის საპრეზიდენტო არჩევნებში კენჭისყრა 2024 წლის 15-17 მარტს გაიმართება.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!