რატი იონათამიშვილი - ოპოზიციის მთავარი ინტერესი მდგომარეობს იმაში, რომ ცესკოს ოპოზიციის პარტიული წარმომადგენელი ხელმძღვანელობდეს - წარმოდგენილი ცვლილებების შედეგად შესაბამისი ბერკეტები ხელიდან ეცლებათ

ოპოზიციის მთავარი წუხილი და ინტერესი მდგომარეობს იმაში, რომ ცესკოს ოპოზიციის პარტიული წარმომადგენელი ხელმძღვანელობდეს - ეს არის ის, რაც ოპოზიციას აღელვებს, რადგან წარმოდგენილი ცვლილებების შედეგად შესაბამისი ბერკეტები ხელიდან ეცლებათ, - ასე პასუხობს ოპოზიციის კრიტიკას “ქართული ოცნების“ დეპუტატი რატი იონათამიშვილი.

როგორც იონათამიშვილმა პარლამენტის პლენარულ სხდომაზე განაცხადა, ის რაც რეალურად ოპოზიციას სურს, სამართლიანი და დემოკრატიული არჩევნების ორგანიზებასთან კავშირში არ არის.

„ხშირად არის როცა დასავლურ პრაქტიკაზე მიუთითებენ. სადმე თუ არსებობს პრეცედენტი, რომ ცესკოს ხელმძღვანელი პირი პარტიული პირი იყოს?! ეს არის წუხილი რაც ოპოზიციას გააჩნია, რასაც არც დემოკრატიულ პროცესებთან, არც სამართლიან და კონკურენტუნარიანი არჩევნების ორგანიზებასთან კავშირი არა აქვს. ამის საპირისპიროა ყველაფერი ის, რის გამოც პოლემიკაში შემოდიან“, - განაცხადა იონათამიშვილმა პარლამენტის პლენარულ სხდომაზე.

საარჩევნო ცვლილებათა პაკეტს, რომლის საფუძველზეც ცესკოს წევრებისა და ცესკოს თავმჯდომარის არჩევის წესში ცვლილებები კიდევ ერთხელ ხორციელდება, პარლამენტი მეორე მოსმენით - მუხლობრივად განიხილავს.

ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 19.02.2024
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ
Gulf+ ახალი თვითმომსახურების სადგურები „გალფისგან“
კრედო ბანკსა და აზიის განვითარების ბანკს შორის აგრო მეწარმეების მხარდასაჭერად 65 მილიონი ლარის მოცულობის გარიგებას მოეწერა ხელი