დიდი ბრიტანეთის საგარეო საქმეთა მინისტრი, დევიდ კამერონი ბულგარეთსა და პოლონეთს ეწვევა. ამის შესახებ ინფორმაციას დიდი ბრიტანეთის საგარეო საქმეთა სამინისტროს პრესსამსახური ავრცელებს.

„ნატო-ს მთავარი მოკავშირეების მხარდაჭერის დემონსტრირებით, მისი მოგზაურობა თავდაცვის წარმოების გაზრდასა და უკრაინის მხარდაჭერის გაძლიერებას ისახავს მიზნად“, - აცხადებს დიდი ბრიტანეთის საგარეო საქმეთა სამინისტრო.

დიდი ბრიტანეთის საგარეო საქმეთა სამინისტრომ აღნიშნა, რომ უკრაინის საკითხი დევიდ კამერონის ვიზიტის დღის წესრიგის ერთ-ერთი მთავარი ნაწილი იქნება.

უკრაინის დახმარების საკითხთან ერთად, დიდი ბრიტანეთის საგარეო საქმეთა მინისტრი არალეგალური მიგრაციის წინააღმდეგ ბრძოლასაც განიხილავს.