კომპანია „გეა”-ს სურს, გამოეხმაუროს 10 თებერვალს რუსთავი 2-ის გადაცემა „კურიერი P.S.”-ში კონკურენციის სააგენტოს მიერ დაწყებული მედიკამენტების ფასებთან დაკავშირებული მოკვლევის თაობაზე გასულ სიუჟეტს. სხვა კომპანიებთან ერთად, საკითხი ეხება კომპანია „გეა“-ს მიერ იმპორტირებულ მედიკამენტს - ბისეპტოლს.

სამწუხაროდ, უნდა აღვნიშნოთ, რომ სიუჟეტში კომპანია „გეა“ მიკერძოებულად და არსებითად ნეგატიურ ჭრილში იქნა წარმოჩენილი, განხილული საკითხი არ იყო სათანადოდ გამოკვლეული, ინფორმაცია იყო დაუზუსტებელი, ცალმხრივი და დაუბალანსებელი.

კომპანია„გეა“ არ ეთანხმება მოსაზრებას, თითქოს მის მიერ იმპორტირებულ მედიკამენტზე (ბისეპტოლზე) ხდება არაკეთილსინდისიერი ფასწარმოქმნა. ამასთან, სამინისტროს მიერ რეფერენტული ფასი შესაბამის მედიკამენტზე არ არის საბოლოოდ დადგენილი და რუსთავი 2-მა მაყურებელი შეიყვანა შეცდომაში.

აქვე გვსურს განვაცხადოთ, რომ კომპანია „გეა“ სრულ მზადყოფნას გამოთქვამს ითანამშომლოს კონკურენციის სააგენტოსთან და მიაწოდოს მოკვლევის განსახორციელებლად საჭირო ნებისმიერი ინფორმაცია. ამასთან, კომპანია იმედოვნებს, რომ მოკვლევა განხორციელდება მიუკერძოებლად, შესაბამისი სტანდარტების დაცვით და შედეგად ამომწურავი პასუხი გაეცემა ბრალდებას კომპანიის მიერ იმპორტირებული მედიკამენტების ფასებთან დაკავშირებით.(R)