ბელგოროდის ოლქის გუბერნატორმა, ვიაჩესლავ გლადკოვმა განაცხადა, რომ უკრაინის მიერ განხორციელებული სარაკეტო დარტყმების შედეგად, ქალაქ ბელგოროდში 5 ადამიანი გარდაიცვალა და 18 დაშავდა, მათ შორის 5 ბავშვი.

ბელგოროდის ჩრდილოეთით მდებარე კურსკის ოლქის გუბერნატორის, რომან სტაროვოიტის ცნობით, სარაკეტო დარტყმების შედეგად სავაჭრო ცენტრი დაზიანდა.

აღსანიშნავია, რომ რუსული მედიასაშუალებები დაღუპულების რაოდენობის შესახებ სხვადასხვა ინფორმაციას ავრცელებენ. საინფორმაციო გამოცემა Mash-ის ინფორმაციით, სარაკეტო იერიშის შედეგად დაღუპულთა საერთო რაოდენობა 9-ს აღწევს.

რუსული მხარის მიერ გავრცელებული ინფორმაციის შესახებ უკრაინას კომენტარი ჯერჯერობით არ გაუკეთებია.