„გაერთიანებული სამეფოს სამხედრო საზღვაო ვაჭრობის ოპერაციებისა“ და კერძო უსაფრთხოების ფირმა Ambrey-ის ცნობით, „ჰუსიტებმა“ წითელ ზღვაში, ჯიბუტის მახლობლად გემზე დრონით თავდასხმა განახორციელეს.

გაერთიანებული სამეფოს სამხედრო საზღვაო ვაჭრობის ოპერაციების ცნობით, თავდასხმის შედეგად გემი დაზიანდა.

შეგახსენებთ, გუშინ იემენელმა „ჰუსიტებმა“ გაავრცელეს ინფორმაცია, რომ ადენის ყურეში სატვირთო გემ Rubymar-ს დაარტყეს და ის ჩაძირვის საფრთხის წინაშე აღმოჩნდა. ირანთან დაკავშირებულმა იემენელმა „ჰუსიტებმა“ წითელ ზღვასა და ბაბ ალ-მანდაბის სრუტეში ნოემბრის შემდეგ არაერთი სარაკეტო და დრონით თავდასხმა განახორციელეს, რაც, მათი მტკიცებით, ღაზაში მიმდინარე ომის გამო პალესტინელების მიმართ სოლიდარობის გამოხატვაა.