საქართველოში სომხეთის საელჩო „მშვიდობის გზაჯვარედინის“ პროექტის პრინციპების შესახებ ინფორმაციას ავრცელებს.

„ყველა ინფრასტრუქტურა, მათ შორის გზები, რკინიგზა, საჰაერო გზები, მილსადენები, კაბელები, ელექტროგადამცემი ხაზები, უნდა მოქმედებდეს იმ ქვეყნების იურისდიქციისა და სუვერენიტეტის ქვეშ, რომელთა ტერიტორიებითაც ისინი გადიან.

თითოეული სახელმწიფო თავისი სახელმწიფო ინსტიტუტების მეშვეობით უზრუნველყოფს სასაზღვრო კონტროლს, საბაჟო კონტროლს და ყველა ინფრასტრუქტურის უსაფრთხოებას, მათ შორის მისი ტერიტორიით მოქალაქეთა, ტვირთთა და სატრანსპორტო საშუალებათა გავლას.

ყველა ინფრასტრუქტურის გამოყენება შესაძლებელია როგორც შიდა, ასევე საერთაშორისო გადაზიდვებისთვის.

ქვეყნები ყველა ინფრასტრუქტურას იყენებენ თანასწორობისა და ნაცვალგების პრინციპებზე დაყრდნობით.

ამ პრინციპების ფარგლებში, ურთიერთთანხმობისა და ურთიერთშეთანხმების საფუძველზე, შეიძლება მოხდეს სასაზღვრო და საბაჟო პროცედურების გამარტივება“, - ნათქვამია ინფორმაციაში.