სომხეთის პრემიერ-მინისტრი, ნიკოლ ფაშინიანი საფრანგეთში გაემგზავრა, - ამის შესახებ ინფორმაციას სომხეთის პრემიერ-მინისტრის ადმინისტრაცია ავრცელებს.

სომხეთის პრემიერ-მინისტრი, ნიკოლ ფაშინიანი ემანუელ მაკრონთან ერთად დღეს წინააღმდეგობის მოძრაობის სომეხი გმირის, მისაკ მანუჩანის პარიზის პანთეონში გადასვენების ცერემონიას დაესწრება.

ორდღიანი სამუშაო ვიზიტის ფარგლებში ფაშინიანი საფრანგეთის სენატის პრეზიდენტ ჟერარ ლარშეს, პრემიერ-მინისტრ გაბრიელ ატალს და პარიზის მერს ანა იდალგოს შეხვდება.