„კომენტარს არ ვაკეთებ“, - ასე პასუხობს „ლელოს“ პოლიტსაბჭოს წევრი თაზო დათუნაშვილი მედიით გავრცელებულ ინფორმაციას, პარტიიდან წასვლის შესახებ.

დათუნაშვილმა „ინტერპრესნიუსთან“ საუბრისას არ დააკონკრეტა, უნდა იყოს თუ არა მისი პოზიცია აღქმული, როგორც „ლელოდან“ წასვლის შესახებ ინფორმაციის დადასტურება.

თავის მხრივ, „ლელოს“ პრესსამსახურში აცხადებენ, რომ დათუნაშვილს პარტიის, მათ შორის პოლიტსაბჭოს წევრის თანამდებობის დატოვების თაობაზე მათთვის არ მიუმართავს.

ცნობისთვის, დათუნაშვილის მიერ „ლელოდან“ წასვლის შესახებ ინფორმაცია ტელეკომპანია „რუსთავი 2“-მა გაავრცელა.