რუსეთის შორეული აღმოსავლეთის ძნელად მისადგომ რაიონებში, საპრეზიდენტო არჩევნების წინ, ვადამდელი ხმის მიცემის პროცესი დაიწყო, - ინფორმაციას TASS-ი რეგიონულ საარჩევნო კომისიებზე დაყრდნობით ავრცელებს.

გამოცემის ცნობით, შორეული აღმოსავლეთის ფედერალურ რაიონებში ხმის მიცემას დაახლოებით 70 000 ადამიანი შეძლებს.

რუსეთის საპრეზიდენტო არჩევნებში კენჭისყრა 15-დან 17 მარტამდეა დაგეგმილი. ეს იქნება პირველი სამდღიანი საპრეზიდენტო არჩევნები რუსეთის ფედერაციის ისტორიაში.