როდესაც ხელისუფლება, ივანიშვილის პარტია, ამხელა ძალისხმევას დებს ურთიერთობების გაღრმავებაში სხვადასხვა მიმართულებით კომუნისტურ პარტიასთან ჩინეთში, რატომ არ აქვს საქართველოს უვიზო მიმოსვლა ამერიკის შეერთებულ შტატებთან?! - ესეც ამხელს და ავლენს იმ პრიორიტეტებს, რაც ივანიშვილის პარტიას აქვს, - ამის შესახებ „ნაციონალური მოძრაობის“ ერთ-ერთმა ლიდერმა თინა ბოკუჩავამ ჩინეთის მიერ საქართველოს მოქალაქეებისთვის უვიზო მიმოსვლის დაწესებასთან დაკავშირებით განაცხადა.

ბოკუჩავას თქმით, საქართველო „ივანიშვილის პარტიის“ პირობებში ევროკავშირის წევრი ვერ გახდება და ამას ხელისუფლების ცვლილება სჭირდება.

„ჩინეთთან უვიზო მიმოსვლას რაც შეეხება, ზოგადად, რა თქმა უნდა, ძალიან მნიშვნელოვანია რიგ ქვეყნებთან მიმოსვლის გამარტივება, თუმცა მე დავსვამდი კითხვას, როდესაც ხელისუფლება, ივანიშვილის პარტია, ამხელა ძალისხმევას დებს ურთიერთობების გაღრმავებაში სხვადასხვა მიმართულებით კომუნისტურ პარტიასთან ჩინეთში, რატომ არ აქვს საქართველოს უვიზო მიმოსვლა ამერიკის შეერთებულ შტატებთან, რაზეც საუბარი იყო ჯერ კიდევ 2012 წელს? ესეც ამხელს და ავლენს იმ პრიორიტეტებს, რაც ივანიშვილის პარტიას აქვს. ყველას ძალიან კარგად გვესმის, რომ ასე ჩვენი ქვეყანა ივანიშვილის პარტიის ხელში, ევროკავშირში ვერ შევა. ამისთვის აუცილებელია ხელისუფლების ცვლილება", - განაცხადა ბოკუჩავამ.