ნიკა სიმონიშვილი - არ უნდა გაგვიკვირდეს, რომ „ქართული ოცნება“ არამხოლოდ არასამთავრობოებს ესხმის თავს, არამედ დონორებსაც - მათ აწუხებთ, რომ ეს სექტორი ისევ იღებს დაფინანსებას, მაგრამ დონორებს ეჭვი არ ეპარებათ ამ ორგანიზაციების ობიექტურობაში

არ უნდა გაგვიკვირდეს, რომ „ქართული ოცნება“ პაპუაშვილის სახით არამხოლოდ არასამთავრობოებს ესხმის თავს, არამედ დონორებსაც. იმ დონორებს, რომლებიც ჯერ კიდევ აძლევენ დაფინანსებას იმ არასამთავრობო ორგანიზაციებს, რომლებიც „ქართული ოცნების“ თვალში ყველაზე უხერხულ ოპონენტებად არიან ქცეულები,- ამის შესახებ იურისტმა ნიკა სიმონიშვილმა “პალიტრანიუსის“ გადაცემა „დღის ნიუსრუმში“ სტუმრობისას განაცხადა, რითაც არასამთავრობო სექტორისა და მათი დამფინანსებელი დონორი ორგანიზაციების მისამართით „ქართული ოცნების“ ლიდერების ბოლო პერიოდის განცხადებებს გამოეხმაურა.

სიმონიშვილის თქმით, „ქართულ ოცნებას“ აწუხებს, რომ დონორები, ხელისუფლების კრიტიკის მიუხედავად, არასამთავრობო ორგანიზაციებს დაფინანსებას აძლევენ.

„ქართულ ოცნებას“ ძალიან აწუხებს, რომ ქვეყანაში გვყავს არასამთავრობო ორგანიზაციები, რომლებიც ძალიან მნიშვნელოვან როლს ასრულებენ. ეს არის პოლიტიკურ პროცესებზე დაკვირვება და ობიექტური დასკვნების გაკეთება. ეს ორგანიზაციები ვერ გააკეთებენ საკუთარ საქმეს, თუ ფინანსები არ ექნებათ. ვერავინ იმუშავებს ხელფასის გარეშე.

„ქართულ ოცნებას“ ეს აწუხებს, რომ დონორები ჯერ კიდევ აძლევენ დაფინანსებას და ალბათ, კიდევაც მისცემენ იმ არასამთავრობოებს, რომლებიც განსაკუთრებით კრიტიკულები არიან მათ შორის ხელისუფლებისა და მიმდინარე პროცესებისადმი.

ვფიქრობ, დონორებს ეჭვი არ ეპარებათ ამ ორგანიზაციების ობიექტურობაში. ეს აწუხებთ ყველაზე მეტად პაპუაშვილს და სხვებს, რომ ეს ორგანიზაციები დაფინანსებას იღებენ და აგრძელებენ იმ საქმიანობას, რომელიც მტკივნეულია „ქართული ოცნებისთვის“. არ უნდა გაგვიკვირდეს, რომ „ქართული ოცნება“ პაპუაშვილის სახით არამხოლოდ არასამთავრობოებს ესხმის თავს, არამედ დონორებსაც. იმ დონორებს, რომლებიც ჯერ კიდევ აძლევენ დაფინანსებას იმ არასამთავრობო ორგანიზაციებს, რომლებიც „ქართული ოცნების“ თვალში ყველაზე უხერხულ ოპონენტებად არიან ქცეულები“,-აღნიშნა სიმონიშვილმა.

მან პარლამენტში 9 რეკომენდაციის შესრულების თაობაზე გამართულ სამუშაო შეხვედრებზეც ისაუბრა და აღნიშნა, რომ „სამუშაო ჯგუფებში, დისკუსია საერთოდ სხვა პოლიტიკურ განზომილებაში გადავიდა“, რასაც მისივე შეფასებით „ხელი შეუწყო „ნაციონალური მოძრაობის“ სრულიად უკონტექსტო ინიციატივამ“.

„ზოგადად, არ მესმის, „ნაციონალური მოძრაობა“ მოსამართლეთა „ვეტინგზე“ რატომ საუბრობს? რატომ არის მათთვის ეს პოლიტიკურად მომგებიანი არგუმენტი მაშინ, როდესაც სასამართლო ხელისუფლების ხელში ჩაგდება სწორედ ამ პროცედურით დაიწყეს თავის დროზე. არცერთი საერთაშორისო ინსტიტუცია ჩვენ არ გვთხოვს მოსამართლეთა „ვეტინგს“. რომ ავდგეთ და ვთქვათ, რომ ყველას უნდობლობას ვუცხადებთ და თავიდან დანიშვნა უნდა წავიდეს, ამას არცერთი ორგანიზაცია არ გვეუბნება. სადაც საუბარი იყო „ვეტინგთან“ დაკავშირებით, ეს არის იუსტიციის უმაღლესი საბჭოს წევრების შერჩევა. არც ევროკავშირს და ამერიკას, არც რომელიმე ქვეყნის საელჩოს და არასამთავრობოებს არ გვითქვამს ეს“, - აღნიშნა სიმონიშვილმა.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია