იაგო ხვიჩია - როცა „ქოცები“ გმართავენ, იცი, როგორ ხდება პოლიტიკური კორუფცია და ამ დროს ჩემი დეკლარაციის შემოწმებას იწყებ, რომელსაც პარლამენტში შემოსვლის შემდეგ ერთი კაპიკი არ უშოვია, ხვდები, რა ტიპის ფარისევლები არიან

იდიოტები არიან - მაშინ, როცა "ქოცები" გმართავენ, იცი, ქვეყანაში როგორ ხდება პოლიტიკური კორუფცია და ამ დროს ჩემს შემოწმებას იწყებ, რომელსაც პარლამენტში შემოსვლის შემდეგ ერთი კაპიკი არ უშოვია, ხვდები, რა ტიპის ფარისევლები არიან, - ამის შესახებ "გირჩის" დეპუტატმა, იაგო ხვიჩიამ განაცხადა, რითაც გამოეხმაურა ინფორმაციას იმის თაობაზე, რომ ანტიკორუფციულო ბიურო 30 ოპოზიციონერის, მათ შორის, მისი დეკლარაციის შესწავლას იწყებს.

ხვიჩია აცხადებს, რომ მზად არის მათთან საჯარო დისკუსიისთვის.

„იდიოტები არიან, ვერ ხვდებიან, რომ არანაირი ფული, ქონება, სამწუხაროდ, არ მიშოვია პარლამენტში რომ შემოვედი. წინა წელს არ მოეწონათ ჩემი შევსებული დეკლარაცია და დამაჯარიმეს. იმავეს აკეთებენ ახლა, თითქოს კუდიანებს ებრძვიან. მე მზად ვარ - ნებისმიერი მათგანი გამოვიდეს საჯარო დისკუსიაში, რა აღმოაჩინეს, მართლა მაინტერესებს რა ნახეს. მაშინ, როცა „ქოცები“ გმართავენ, „ქოცები“ გნიშნავენ, იცი ქვეყანაში როგორ ხდება პოლიტიკური კორუფციის ამბავი და ჩემს შემოწმებას რომ იწყებ, რომელსაც ერთი კაპიკი არ უშოვია, რაც პარლამენტში შემოვიდა, პირიქით, ჩემი ფინანსური მდგომარეობა გაუარესდა ამ პროცესში, ამ დროს ხვდები რა ტიპის ფარისევლები არიან სინამდვილეში ეს ორგანიზაციები და მათი მხარდამჭერი გინდა მედიასაშუალებები და პოლიტიკური აქტორები,"- განაცხადა ხვიჩიამ.

მისივე თქმით, ანტიკორუფციულ ბიუროსთან და პერსონალურ მონაცემთა დაცვის სამსახურთან დაკავშირებულ ცვლილებებს არანაირი შინაარსი სინამდვილეში არ გააჩნია.

"ანტიკორუფციულთან დაკავშირებულ კანონმდებლობას და პერსონალურ მონაცემთა დაცვის რაღაც გიჟობას არანაირი შინაარსი სინამდვილეში არ გააჩნია. ორივე მათგანის ხელმძღვანელს ნიშნავს მთავრობა და ჩვენ გულუბრყვილოდ გვჯერა, რომ მთავრობას მისი დანიშნული კაცი გააკონტროლებს, დასჯის და ა.შ. ხალხს ასეთი სისულელეები არ უნდა ვესაუბროთ, ხალხს უნდა ვუთხრათ, რომ სასამართლო გვჭირდება და სასამართლოს არარსებობის პირობებში, უბრალოდ შეუძლებელია პრემიერი სწორად დასაჯოს, გაასამართლოს ან გამოასწოროს მის მიერ დანიშნულმა მისმა ყოფილმა თანაშემწემ პირობითად,"- განაცხადა ხვიჩიამ.

მაღალი საზოგადოებრივი ინტერესისა და კორუფციის მაღალი რისკის გამო, ანტიკორუფციული ბიურო, საქართველოს პარლამენტისა და თბილისის საკრებულოს, დამატებით 30 ოპოზიციონერი დეპუტატის ქონებრივი დეკლარაციის შემოწმებას გეგმავს.

ოფიციალური ინფორმაციის მიხედვით, ანტიკორუფციული ბიურო შემდეგი თანამდებობის პირების ქონებრივ დეკლარაციებს შეამოწმებს: პარლამენტის წევრები: თეონა აქუბარდია; სალომე სამადაშვილი, გელა მიქაძე, ალექსანდრე მოწერელია, ტარიელ ნაკაიძე, ანა ნაცვლიშვილი, ჰერმან საბო, ხათუნა სამნიძე, გუბაზ სანიკიძე, დავით უსუფაშვილი, ბაჩუკი ქარდავა, ანა წითლიძე, არმაზ ახვლედიანი, გიორგი ბოტკოველი, ანა ბუჩუკური, გიორგი გოდაბრელიძე, პაატა მანჯგალაძე, გიორგი ვაშაძე, ქეთევან თურაზაშვილი, აბდულა ისმაილოვი, მანუჩარ კვირკველია, დავით კირკიტაძე, თამარ კორძაია, იაგო ხვიჩია, თეიმურაზ ჯანაშია. საკრებულოს წევრები: ირაკლი ნადირაძე, სოფიო ჯაფარიძე, სალომე კობალაძე, საბა ბუაძე და ცოტნე კობერიძე.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია