პროფკავშირების გაერთიანება ტაქსის აპლიკაციის მფლობელებსა და ტაქსისტებს შორის შრომითი ურთიერთობის აღიარებისთვის სასამართლოს მიმართავს

საქართველოს პროფკავშირების გაერთიანების თავმჯდომარის მოადგილის, ლავრენტი ალანიას ინფორმაციით, ისინი გეგმავენ, რომ თბილისის საქალაქო სასამართლოს სარჩელით მიმართონ, რათა ტაქსის აპლიკაციის მფლობელებსა და ტაქსისტებს შორის შრომითი ურთიერთობა აღიარებული იყოს.

ამასთან, ალანიას განმარტებით, ამ ეტაპზე პროფკავშირებმა წერილით მიმართა პერსონალური დაცვის სამსახურს, რომ ტაქსის აპლიკაციით დასაქმებულების პერსონალური ინფორმაცია დაცული იყოს.

„პირველ რიგში, სოლიდარულები ვართ ტაქსებში დასაქმებული მძღოლების მიმართ. ფაქტობრივად, ჩვენ უკვე ვთანამშრომლობთ რამდენიმე ხანია. მოვამზადეთ წერილი პერსონალური დაცვის სამსახურის მიმართ, რომ მათი პირადი უფლებები დაცული იყოს. კერძოდ, აპლიკაცია, ვისაც გადმოწერილი აქვთ - “იანდექსი” სავარაუდოდ, ფლობს ყველანაირ ინფორმაციას მათ შესახებ. ამავე დროს, სარჩელს სასამართლოსთვის ვამზადებთ, რომ საქართველოში დადგეს პრეცედენტი, როგორც ეს ესპანეთმა გააკეთა. რეალურად, ტაქსის მძღოლებთან კომპანიებს პარტნიორული ურთიერთობა კი არ აქვთ, არამედ, ეს არის შრომითი ურთიერთობა. თუ ეს არის პარტნიორული ურთიერთობა, დასაქმებულების გარეშე როგორ იღებს გადაწყვეტილებებს აპლიკაციის მესვეურები, თუ როგორი ტარიფი უნდა იყოს?! სახელმწიფოს ვთხოვთ, რომ პროცესებში ჩაერთოს”, - განაცხადა „საქართველოს პროფკავშირების გაერთიანების” თავმჯდომარის მოადგილემ, ლავრენტი ალანიამ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე