ყოველკვირეული განახლება მთავარი ეკონომისტისგან - ძლიერი მაკრო, თუმცა ლარი კვლავ ავლენს ტრენდს ზემოთ, მცირე გამყარებას

"თიბისის" მთავარი ეკონომისტი ყოველკვირეულ განახლებას აქვეყნებს. როგორც ინფორმაციაშია აღნიშნული, იანვრის წმინდა სავალუტო შემოდინებები წინა თვესთან შედარებით გაუარესდა, თუმცა მაინც მაღალია.

მათივე ცნობით, აღსანიშნავია, რომ გასულ თვეებში კლების შემდეგ, სეზონური ფაქტორების გათვალისწინებით, მცირედით გაუმჯობესდა მიგრაციის მაჩვენებელი, ისევე როგორც დაფიქსირდა ფეროშენადნობების ექსპორტის გარკვეული აღდგენა.

„ამასთან, სხვადასხვა კატეგორიის ხარჯზე, იმპორტი უფრო ძლიერი იყო, რაც მაღალ ეკონომიკურ აქტივობაზე მიუთითებს. ამ ფონზე, ასევე გაუმჯობესებულია დასაქმების მაჩვენებლები. კერძოდ, საქსტატის მიხედვით, 2023 წლის მე-4 კვარტალში უმუშევრობის დონე წინა წლის ანალოგიურ პერიოდთან შედარებით 16.1%-დან 15.3%-მდე შემცირდა, დასაქმებულთა რაოდენობა კი 67.5 ათასით, 1.37 მილიონამდე გაიზარდა, თუმცა მიგრანტების მხოლოდ ნაწილობრივ გათვალისწინებით.

სავალუტო ბაზრის კუთხით, კვლავ სახეზეა სენტიმენტების გაუმჯობესება, რაც დეპოზიტების სავალუტო კომპოზიციაში იკვეთება. ასევე საყურადღებოა, რომ მართალია მხოლოდ ზომიერი მოცულობით, თუმცა დეკემბერ-იანვარში საქართველოს ეროვნული ბანკი წმინდა სავალუტო შესყიდვებს დაუბრუნდა. ამასთან, ლარის კურსის მხრივ, კვლავ საყურადღებოა, რომ ლარი მის გრძელვადიან ტენდენციასთან შედარებით კვლავ მცირედით უფრო მეტად არის გამყარებული”, - ნათქვამია „თიბისის" მიერ გავრცელებულ ინფორმაციაში.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია