კამალა ჰარისი ვაშინგტონში ისრაელის ომის კაბინეტის წევრსა და თავდაცვის ყოფილ მინისტრს შეხვდა

აშშ-ის ვიცე-პრეზიდენტი, კამალა ჰარისი ვაშინგტონში ისრაელის ომის კაბინეტის წევრსა და თავდაცვის ყოფილ მინისტრს, ბენი განცს შეხვდა.

ამის შესახებ ინფორმაციას თეთრი სახლი ავრცელებს.

„ვიცე-პრეზიდენტმა ღაზაში არსებული ჰუმანიტარული პირობებისა და ჩრდილოეთ ღაზაში, ჰუმანიტარული დახმარების კოლონასთან მომხდარი საშინელი ტრაგედიის გამო შეშფოთება გამოხატა. ვიცე-პრეზიდენტმა მძევლების გათავისუფლების შესახებ შეთანხმების მიღწევის აუცილებლობა განიხილა და მოლაპარაკებების პროცესში ისრაელის კონსტრუქციულ მიდგომას მიესალმა“, - ნათქვამია თეთრი სახლის განცხადებაში.

კამალა ჰარისმა ბენი განცთან შეხვედრისას „ჰამასს“ მოუწოდა, რომ ცეცხლის შეწყვეტის შეთანხმების პირობებს დაეთანხმოს, რომლის მიხედვითაც, მძევლების გათავისუფლება დაუყოვნებლივ ექვსკვირიან ცეცხლის შეწყვეტას და ღაზის სექტორში ჰუმანიტარული დახმარების მიწოდების ტემპების ზრდას გამოიწვევს.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო