რა თქმა უნდა, იქნება ეს იქნება 1%, 3% თუ 5%, ჩვენ ყველა შედეგს მივესალმებით, რადგან თითოეულ პროცენტს აქვს თავისი კონკრეტული წილი ტურისტული ნაკადების გზაზე, - ამის შესახებ ეკონომიკის მინისტრის მოადგილის, მარიამ ქვრივიშვილმა განაცხადა, რითაც უპასუხა შეკითხვას კმაყოფილია თუ არა რუსული ავიაკომპანიის მიერ ბაზარზე მოტანილი 3%-იანი წილით.

მისივე განცხადებით, ყველა ავიაკომპანიასთან თანამშრომლობა და ურთიერთობა გრძელდება იმისთვის, რომ კიდევ უფრო მეტად გაზრდილი სიხშირეები ვნახოთ.

„შედეგების გაუმჯობესება ყველა მიმართულებით ჩვენი ამბიციური გეგმაა. რა თქმა უნდა, დღესაც გულწრფელად ვთქვით, რომ მიმდინარე წლის მთავარი ამოცანა იქნება, რომ ყველა ავიაკომპანია, რომელსაც ტურისტები შემოჰყავთ, ჩვენ გვინდა, რომ მათი სიხშირეები გაიზარდოს იმისთვის, რომ გაიზარდოს გამტარიანობა.

რა თქმა უნდა, იქნება ეს 1%, 3% თუ 5%, ჩვენ ყველა შედეგს მივესალმებით, რადგან თითოეულ პროცენტს აქვს თავისი კონკრეტული წილი ტურისტული ნაკადების გზაზე და რა თქმა უნდა, თავისი კონტრიბუცია შეაქვს ჩვენი ქვეყნის ტურიზმიდან მიღებულ შემოსავლებზე. აქედან გამომდინარე ჩვენ ვაგრძელებთ ყველა ავიაკომპანიასთან თანამშრომლობას და ურთიერთობას იმისთვის, რომ ვნახოთ კიდევ უფრო მეტად გაზრდილი სიხშირეები”, - განაცხადა ქვრივიშვილმა.

ცნობისთვის, ეკონომიკის სამინისტროს სამოქალაქო ავიაციის სააგენტომ 2023 წლის ავიაციის ბაზრის მონაცემები გამოაქვეყნა, საიდანაც ირკვევა, რომ რუსული ავიაკომპანიები 127 ათასზე მეტ მგზავრს მოემსახურნენ. რაც ნიშნავს იმას, რომ 2023 წელს რუსული ავიაკომპანიების წილი ჯამში მხოლოდ 3% იყო. Azimuth-მა – 89 804 მგზავრი გადაიყვანა, ხოლო Red Wings-მა – 37 511;