საქართველოს სტრატეგიისა და საერთაშორისო ურთიერთობების კვლევის ფონდის ყოველწლიური - “რონდელის უსაფრთხოების კონფერენცია” გრძელდება

საქართველოს სტრატეგიისა და საერთაშორისო ურთიერთობების კვლევის ფონდის (რონდელის ფონდი) ყოველწლიური - “რონდელის უსაფრთხოების კონფერენცია” გრძელდება.

კონფერენცია თბილისში, “რედისონ ბლუ ივერიაში” მეორე დღეა მიმდინარეობს.

პანელური დისკუსიების მეორე დღე კონფერენციაზე საპატიო სტუმრის რანგში მიწვეულმა, ისლანდიის პრეზიდენტმა გუდნი იოჰანესონმა გახსნა, რომელიც კითხულობს მოხსენებას - "პატარა სახელმწიფოები და დიდი შედეგი: ისლანდია საერთაშორისო ასპარეზზე".

კონფერენცია გუშინ გაიხსნა და 5 სესია ჩატარდა. გუშინვე, მონაწილეებს სიტყვით საქართველოში ამერიკის შეერთებული შტატების ელჩმა მიმართა.

ორგანიზატორების განცხადებით, რონდელის უსაფრთხოების კონფერენცია არის მნიშვნელოვანი პლატფორმა რეგიონში, სადაც ინფორმაციაზე წვდომა პირველწყაროებიდანაა შესაძლებელი.

2024 წლის “რონდელის უსაფრთხოების კონფერენციაზე” განიხილება საერთაშორისო და რეგიონული უსაფრთხოების მნიშვნელოვანი გამოწვევები, კერძოდ, დემოკრატიებისა და ავტოკრატიების დაპირისპირება და კონკურენცია; საფრთხეები, რომლებიც ემუქრება წესებზე დაფუძნებულ საერთაშორისო წესრიგს; დასავლეთის როლი თავისუფლებისა და დემოკრატიის მხარდაჭერის საქმეში გლობალურად და, განსაკუთრებით, იმ რეგიონებში, რომლებიც გეოპოლიტიკური მეტოქეობის ცენტრში არიან და ავტორიტარული ხელყოფის საშიშროება აქვთ.

რონდელის უსაფრთხოების კონფერენციის მიზანია გამოკვეთოს უსაფრთხოებისა და დემოკრატიის ურთიერთკავშირი; იმსჯელოს გლობალურ მეტოქეობაზე გლობალურ და ქართულ კონტექსტში; შეაფასოს მსოფლიოში მიმდინარე პროცესების ზეგავლენა საქართველოზე და განიხილოს საქართველოს როლი და ადგილი გლობალურ დღის წესრიგში.

მთავრობების, ანალიტიკური ცენტრების, საგანმანათლებლო ინსტიტუციებისა და მედიის წარმომადგენლები განიხილავენ მსოფლიოს წინაშე არსებული გამოწვევების ფართო სპექტრს, მათ შორის, რუსეთის შეჭრას უკრაინაში, შეიარაღებულ კონფლიქტებს სხვადასხვა რეგიონში და გარკვეული აქტორების მცდელობას, შეასუსტონ დემოკრატია და გლობალური სტაბილურობა. კონფერენციას ესწრება 250-ზე მეტ მონაწილე აშშ-დან, ევროკავშირიდან, სამხრეთ კავკასიიდან, ცენტრალური აზიიდან და ახლო აღმოსავლეთიდან.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა