ლიეტუვის დაზვერვა - რუსეთს უკრაინაში ომის გაგრძელება სულ მცირე ორი წლის განმავლობაში შეუძლია

რუსეთს უკრაინაში ომის გაგრძელება სულ მცირე ორი წლის განმავლობაში შეუძლია, - ამის შესახებ ინფორმაციას ლიეტუვის დაზვერვა ავრცელებს.

ლიეტუვის სახელმწიფო უსაფრთხოების კონტრდაზვერვის დეპარტამენტისა და თავდაცვის სამინისტროს სამხედრო დაზვერვისა და უსაფრთხოების სამხედრო სამსახურის წარმომადგენლები აცხადებენ, რომ რუსეთს საკმარისი რესურსები აქვს, რათა არსებული ინტენსივობით უკრაინაში ბრძოლა მომდევნო ორი წლის განმავლობაში განაგრძოს.

„ამავდროულად, რუსეთის ფედერაცია ნატო-სთან გრძელვადიანი დაპირისპირებისთვის ემზადება, კერძოდ ბალტიის ზღვის რეგიონში და ამ მიზნით, იგი თავის სამხედრო შესაძლებლობებს დასავლეთის მიმართულებით აფართოებს“, - ნათქვამია ლიეტუვის დაზვერვის სამსახურების ერთობლივ ანგარიშში.

ლიეტუვის დაზვერვის სამსახურების ცნობით, რუსეთი უკრაინაში ომს დიდ რესურსებს უთმობს და ასევე, კრემლმა შეიარაღებული ძალების რეფორმა დაიწყო.

„ეს რეფორმა გრძელვადიანი პროექტია, რომელიც დიდ რესურსებს მოითხოვს და შეიძლება ათი წელიც კი გაგრძელდეს“, - აცხადებს ლიეტუვის დაზვერვა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო