ნიკოლას ტენზერი - ჩინეთს და რუსეთს მსოფლიო წესრიგის განადგურება სურთ, მაგრამ რუსეთი მზადაა, ამას საკუთარი თავი შესწიროს

ჩვენ ვართ ერთგვარ სტრატეგიულ კონკურენციაში ე.წ. მესამე ქვეყნებში, განვითარებად ქვეყნებში, კარგი განვითარების ანუ კარგი მმართველობის პრინციპებისთვის, - ამის შესახებ პარიზის უნივერსიტეტის მეცნიერებათა პროფესორმა, ევროპის პოლიტიკის ანალიტიკური ცენტრის უფროსმა თანამშრომელმა, ნიკოლას ტენზერმა რონდელის საერთაშორისო კონფერენციაზე ჩინეთის შეკავების ახალ მიდგომებთან დაკავშირებით დასმული შეკითხვის საპასუხოდ განაცხადა.

„ჩვენ ვართ ერთგვარ სტრატეგიულ კონკურენციაში ე.წ. მესამე ქვეყნებში, განვითარებად ქვეყნებში, კარგი განვითარების ანუ კარგი მმართველობის პრინციპებისთვის, მაგალითად, როცა ჩინეთი გყავს აფრიკაში, როცა ჩინეთი გყავს შესაძლოა, საქართველოში, კავკასიაში, ცენტრალურ აზიაში, გაქვს ცუდი განვითარება, გაქვს მეტი კორუფცია, მეტი დამოკიდებულება, ნიადაგის მეტი განადგურება, მეტი ეკოლოგიურად არამეგობრული ინვესტიცია და სხვა და ჩვენ უნდა დავუპირისპირდეთ ჩინეთს თამაშის ამ ნაწილში“, - აღნიშნა ნიკოლას ტენზერმა.

მისი თქმით, მეორე საკითხი არის უსაფრთხოების საკითხი და ეს მოიცავს ჩინეთზე დამოკიდებულებისგან გათავისუფლებას.

„მეორე ნაწილი, რა თქმა უნდა, უსაფრთხოების საკითხია და ეს მოიცავს პირველ რიგში, იმას, რომ ჩინეთზე ნაკლებად დამოკიდებული უნდა ვიყოთ. ჩვენ უნდა მივიღოთ ძლიერი ზომები ტაივანის, სამხრეთ ჩინეთის ზღვის ზოგიერთი კუნძულის, ფილიპინების, იაპონიის, სამხრეთ კორეის დასაცავად და ჩვენ უნდა შევქმნათ ყველა საშუალება ჩინეთის შეკავებისთვის. უნდა გავითვალისწინოთ, რომ როგორც ჩინეთს, ასევე რუსეთს მსოფლიო წესრიგის განადგურება სურთ. ეს არის მათი განზრახვა, მაგრამ რუსეთი მზად არის, ამას ამას საკუთარი თავი შესწიროს, პუტინი მზად არის გაანადგუროს რუსეთი მხოლოდ საკუთარი სურვილის გამო, რომ შეინარჩუნოს ძალაუფლება, მე არ მგონია, რომ სინ ძინპინი ამას გააკეთებს. მას ჩინეთის დაცვა სურს“, - აღნიშნა ნიკოლას ტენზერმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია