დონალდ ტრამპი ჯო ბაიდენზე - მან რუსებს ყველაფერი მისცა, უკრაინის ჩათვლით - ის პუტინის მარიონეტი იყო

აშშ-ის ყოფილი პრეზიდენტი, დონალდ ტრამპი კონგრესში პრეზიდენტ ჯო ბაიდენის გამოსვლას ეხმაურება და მას რუსეთის პრეზიდენტის, ვლადიმერ პუტინის მარიონეტად მოიხსენიებს.

„მან თქვა, რომ მე ქედს ვიხრი რუსეთის ლიდერის წინაშე. მან მათ ყველაფერი მისცა, უკრაინის ჩათვლით. მე წავართვი „ჩრდილოეთის ნაკადი 2“ - მან აჩუქა! ის პუტინის, სი ძინპინის და პრაქტიკულად ყველა სხვა ლიდერის მარიონეტი იყო!“- წერს ტრამპი სოციალურ ქსელ Truth Social-ში.

მისი თქმით, ჯო ბაიდენის სიტყვა სავსე იყო სიცრუით, თუმცა ამერიკელი ხალხი ამას ხვდება და თავის აზრს 5 ნოემბერს, საპრეზიდენტო არჩევნების დღეს დააფიქსირებს.

„მოეწონება თუ არა ამის აღიარება ყალბი ამბების მედიას, ამ გამოსვლაში იყო უზარმაზარი არასწორი ინფორმაცია და ტყუილი, მაგრამ ჩვენი ქვეყნის ხალხი ამას ხვდება და იცის, რომ 5 ნოემბერი იქნება ყველაზე მნიშვნელოვანი დღე ჩვენი ერის ისტორიაში!“ - აცხადებს ტრამპი.

შეგახსენებთ, აშშ-ის პრეზიდენტმა ჯო ბაიდენმა ნატო-ს ქვეყნებთან დაკავშირებით ყოფილი პრეზიდენტის, დონალდ ტრამპის განცხადებას სახიფათო და მიუღებელი უწოდა. „ჩემი წინამორბედი, ყოფილი რესპუბლიკელი პრეზიდენტი, ეუბნება პუტინს: "რა ჯანდაბაც გინდა, გააკეთე" - ეს ციტატაა. ყოფილმა პრეზიდენტმა ფაქტობრივად თქვა, რომ ქედს უხრის რუსეთის ლიდერს. ვფიქრობ, ეს არის აღმაშფოთებელი, საშიში და მიუღებელი”, - განაცხადა ჯო ბაიდენმა კონგრესში სიტყვით გამოსვლისას.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ქართული პრესის მიმოხილვა 15.04.2024
არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია