რუსული მხარის ინფორმაციით, უკრაინა ბრიანსკისა და ორიოლის ოლქებს დრონებით დაესხა თავს
რუსეთის საჰაერო თავდაცვის ძალებმა ბრიანსკისა და ორიოლის ოლქებში ექვსი უკრაინული დრონი გაანადგურეს, - ინფორმაციას რუსული მედია რუსეთის თავდაცვის სამინისტროზე დაყრდნობით ავრცელებს.
„გასული ღამის განმავლობაში აღიკვეთა კიევის რეჟიმის მცდელობა, განეხორციელებინა ტერორისტული თავდასხმა თვითმფრინავის ტიპის უპილოტო საფრენი აპარატების გამოყენებით რუსეთის ფედერაციის ტერიტორიაზე მდებარე სამიზნეებზე“, - ნათქვამია უწყების განცხადებაში.
რუსეთის თავდაცვის სამინისტროს ცნობით, რუსეთის საჰაერო თავდაცვის სისტემებმა ოთხი უკრაინული უპილოტო საფრენი აპარატი ბრიანსკის ოლქის ტერიტორიაზე გაანადგურეს, კიდევ ორი კი - ორიოლის ოლქის ტერიტორიაზე.
