ფოთის მერის მოადგილე - შენდება საკონტეინერო ტერმინალი, რომელიც ითვალისწინებს კონტეინერების გადაზიდვას - მშენებელ კომპანიას ყველა შესაბამისი დოკუმენტი აქვს

ფოთში, ნაბადის უბანში, სადაც მოსახლეობა მულტიმოდალური ტერმინალის მშენებლობას აპროტესტებს, ფოთის მუნიციპალიტეტის მერის მოადგილე, მამუკა პაპასკირი და მშენებელი კომპანიის წარმომადგენელი მივიდნენ.

როგორც მათ შეკრებილებს განუცხადეს, აღნიშნულ ტერმინალზე მოხდება კონტეინერების გადაზიდვა და არანაირად არ განხორციელდება ჯანმრთელობისთვის საფრთხის შემცველი მასალის გადამუშავება.

,,აქ შენდება საკონტეინერო ტერმინალი, რომელიც ითვალისწინებს კონტეინერების გადაზიდვას. ამჟამად მიმდინარეობს მიწის სამუშაოები და მშენებელ კომპანიას ყველა შესაბამისი დოკუმენტი აქვს. მოვედი, რათა გამეგო თუ რა პრობლემა აწუხებდა მოსახლეობას, შევახვედრე კომპანიის წარმომადგენელი. ჯერჯერობით შეთანხმება არ შემდგარა, მაგრამ მოსახლეობას აინტერესებს კონკრეტულად, რა ტერმინალი შენდება, ვინ აშენებს, რომელი ქვეყანაა წარმომადგენელი. საუბარია იმაზე, რომ ქუჩიდან გადავინაცვლოთ სადმე სივრცეში, სადაც ინვესტორი შეძლებს ყველა საჭირო დოკუმენტის წარდგენას, თან გეგმავს, რომ პრეზენტაცია გამართოს, რათა ადგილობრივებმა იცოდნენ, რა იგეგმება სამომავლოდ“, - განაცხადა მამუკა პაპასკირმა.

ამის მიუხედავად, აქციის მონაწილეები ამ დრომდე, ადგილზე რჩებიან და დაშლას არ აპირებენ.

შეგახსენებთ, რომ ფოთში, სამეგრელოს ქუჩის მცხოვრებლები მულტიმოდალური ტერმინალის მშენებლობას აპროტესტებენ. მათი ინფორმაციით, მშენებლობის დასრულების შემდეგ აღნიშნულ ტერმინალზე სახიფათო ნარჩენების გადამუშავება მოხდება, რაც მათ ჯანმრთელობას საფრთხეს შეუქმნის. აქციის მონაწილეები მშენებლობის დაუყოვნებლივ შეწყვეტას ითხოვენ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 15.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე