BTU ახალი კამპუსის მშენებლობას იწყებს

ბიზნესისა და ტექნოლოგიების უნივერსიტეტი ახალი კამპუსის მშენებლობას იწყებს. თბილისის ცენტრში, ჭავჭავაძის გამზირზე არსებული უნივერსიტეტის ტერიტორიაზე გაფართოებულ ინფრასტრუქტურას მრავალფუნქციური სივრცეები, ახალი ლაბორატორიები, თანამედროვე ტექნოლოგიით აღჭურვილი აუდიტორიები, მიწისქვეშა პარკინგი და სხვა მულტიმედია ოთახები დაემატება. ახალი ინოვაციური პროგრამები საბაკალავრო, სამაგისტრო და სადოქტორო საფეხურებზე, უპრეცედენტო ინიციატივები ხელოვნური ინტელექტისა თუ სხვა ტექნოლოგიების სფეროებში, პარტნიორობა მსოფლიოს წამყვან მაღალრეიტინგულ უნივერსიტეტებთან და ორი დიპლომის მოპოვების შესაძლებლობები, საერთაშორისო თანამშრომლობა და მასშტაბური კვლევითი პროექტები - ყოველივე ეს, 2025 წლიდან, BTU-ს ახალ კამპუსში განხორციელდება.

ბიზნესისა და ტექნოლოგიების უნივერსიტეტი 2016 წელს დაფუძნდა და ამ დროისთვის 9 აკრედიტებული პროგრამა აქვს საბაკალავრო, სამაგისტრო და სადოქტორო საფეხურზე, რომელთა შორის 7 მათგანი მეორე, ევროპული უნივერსიტეტის დიპლომის მოპოვების შესაძლებლობას იძლევა. უნივერსიტეტის სტუდენტის სტატუსი ამ დრომდე 8 000-ზე მეტ პირს აქვს მოპოვებული, აკადემიური პერსონალის და ლექტორების რიცხვი კი 400-მდეა. BTU თანამშრომლობს 300-მდე ადგილობრივ და საერთაშორისო ორგანიზაციასთან, აკავშირებს პარტნიორობა 80-ზე მეტ უმაღლესი რეიტინგის მქონე დასავლურ უნივერსიტეტთან. ბიზნესისა და ტექნოლოგიების უნივერსიტეტი 12 საერთაშორისო ორგანიზაციის წევრია. მათ შორისაა მსოფლიოს ყველაზე მაღალრეიტინგული MIT-ს Martin Trust Center, Harvard MOC Affiliated Network, EUA და სხვა.

ამ დრომდე, ბიზნესისა და ტექნოლოგიების უნივერსიტეტი 6 ინოვაციურ და მაღალტექნოლოგიურ ლაბს აერთიანებს, მათ შორის: AI LAB, IOS & ANDROID LAB, CYBERLAB, BLOCKCHAIN LAB, MICROSOFT LAB და სხვა.

უნივერსიტეტი აგრეთვე ამატებს უპრეცედენტო საბაკალავრო პროგრამას ხელოვნური ინტელექტის მიმართულებით, რომელიც ამჟამად, აკრედიტაციის პროცესშია. პროგრამის დასრულების შემდეგ სტუდენტები არა მხოლოდ BTU-ს, არამედ, გერმანული ცვიკაუს უნივერსიტეტის (Zwickau University of Applied Sciences) დიპლომის სრული დაფინანსებით მოპოვების შესაძლებლობას იღებენ. აგრეთვე, სტუდენტები შეძლებენ სურვილისამებრ მოიპოვონ Microsoft-ის საერთაშორისო სერტიფიკატები ხელოვნური ინტელექტის ცალკეულ კომპონენტებში. 4 წლის განმავლობაში სასწავლო პროცესში ჩაერთვებიან გერმანული უნივერსიტეტის პროფესორებიც.

აღსანიშნავია, რომ ბიზნესისა და ტექნოლოგიების უნივერსიტეტი არის პირველი საგანმანათლებლო დაწესებულება საქართველოში, სადაც AI გადაწყვეტილებების ინტეგრირება სასწავლო და ადმინისტრაციულ პროცესებში დაიწყო. ინოვაციური BTU AI პლატფორმა აერთიანებს საგანმანათლებლო, კვლევით და მულტიმედია მასალას, AI წიგნებს, AI ლექტორს, პოდკასტებს, სტატიებს და სხვა რესურსებს, რომელიც სისტემატურად განახლებადია. ბიზნესისა და ტექნოლოგიების უნივერსიტეტის ინიციატივით შეიქმნა GeorgiAI, ქვეყნის მასშტაბური ციფრული ფონდი, რომელიც ბიზნესპროცესების გაუმჯობესებისა თუ სხვა მიზნებისთვის გამოიყენება.

ბიზნესისა და ტექნოლოგიების უნივერსიტეტის ახალი კამპუსი 2025 წელს ოფიციალურად გაიხსნება.

(R)

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე