ალექსეი ნავალნის თანაგუნდელი, ლეონიდ ვოლკოვი აცხადებს, რომ თავდასხმის მიუხედავად დანებებას არ აპირებს.

ალექსეი ნავალნის პრესმდივანმა, კირა იარმიშმა ინფორმაცია გაავრცელა, რომ სამშაბათს, ლეონიდ ვოლკოვს ვილნიუსში, საკუთარი სახლის წინ თავს დაესხნენ.

„ჩვენ ვიმუშავებთ და არ დავნებდებით. ფეხი კარგად არის, სიარულის დროს მტკივა, თუმცა ხელი მოვიტეხე“, - განაცხადა ვოლკოვმა.

ლეონიდ ვოლკოვმა აღნიშნა, რომ თავდასხმისას ფეხში 15-ჯერ ჩაარტყეს.

43 წლის ვოლკოვი 2023 წლამდე ალექსეი ნავალნის შტაბის უფროსი და მისი ანტიკორუფციული ფონდის თავმჯდომარე იყო.