კავკასიის საერთაშორისო უნივერსიტეტში „იუსტიციის აუდიტორია“ გაიხსნა

14 მარტს კავკასიის საერთაშორისო უნივერსიტეტში „იუსტიციის აუდიტორია“ გაიხსნა.

უნივერსიტეტის ინფორმაციით, აუდიტორია შესაძლებლობას მისცემს სტუდენტებს და სხვა დაინტერესებულ პირებს, მიიღონ სრული ინფორმაცია იუსტიციის სამინისტროს სისტემის საქმიანობის, მისი ამოცანების, მიზნებისა და მიღწევების შესახებ. მათივე თქმით, ამასთან, საგანმანათლებლო სივრცეში მოეწყობა საჯარო ლექციები სხვადასხვა მნიშვნელოვან თემასთან დაკავშირებით, რაც ხელს შეუწყობს საჯარო დისკუსიის ფორმატის დანერგვას სამართლებრივი საკითხების გარშემო და ამ გზით საზოგადოების ცნობიერების ამაღლებას.

„პროექტის ძირითადი ამოცანა სტუდენტური ინიციატივების ხელშეწყობა, ახალგაზრდებში საჯარო სამსახურის პოპულარიზაცია და იუსტიციის სამინისტროში პერსპექტიული კადრების მოზიდვაა.

„იუსტიციის აუდიტორია“ იუსტიციის მინისტრმა რატი ბრეგაძემ, პირველმა მოადგილე თამარ ტყეშელაშვილმა, კავკასიის საერთაშორისო უნივერსიტეტის რექტორმა კახაბერ კორძაიამ და სამართლის ფაკულტეტის დეკანმა გიორგი ხატიძემ გახსნეს. აუდიტორიის გახსნას ასევე ესწრებოდნენ: იუსტიციის მინისტრის მოადგილეები - თორნიკე ჭეიშვილი, ერეკლე ღვინიანიძე, ბუბა ლომუაშვილი, კავკასიის საერთაშორისო უნივერსიტეტის კანცლერი ვახტანგ წივწივაძე, სამეცნიერო კვლევების დეპარტამენტის უფროსი სესილი გოგიბერიძე, აკადემიკოსი მინდია უგრეხელიძე, უნივერსიტეტის ადმინისტრაციული/აკადემიური პერსონალი და სტუდენტები.

ოფიციალური ნაწილის შემდეგ სტუმრებმა კავკასიის საერთაშორისო უნივერსიტეტის სამართლის ფაკულტეტის სასწავლო-სამეცნიერო ინფრასტრუქტურა დაათვალიერეს, მათ შორის, აკადემიკოს მინდია უგრეხელიძის სახელობის იმიტირებული სასამართლო პროცესების დარბაზი და კრიმინალისტიკის ლაბორატორია“, - ნათქვამია კავკასიის საერთაშორისო უნივერსიტეტის ინფორმაციაში.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა