ჩვენ ორი წელია ვეხმარებით უკრაინას, ჩვენ გვაქვს მიზანი: რუსეთმა არ და ვერ უნდა მოიგოს ეს ომი!- ამის შესახებ საფრანგეთის პრეზიდენტმა, ემანუელ მაკრონმა TF1-სა და France 2-თან ინტერვიუში განაცხადა.

მისი თქმით, უკრაინაში მიმდინარე ომს „ეგზისტენციალური მნიშვნელობა აქვს ევროპისთვის და საფრანგეთისთვის“.

„ჩვენ არ ვართ ომში რუსეთთან. მაგრამ ჩვენ მკაფიოდ უნდა განვაცხადოთ: არ უნდა დავუშვათ რუსეთის გამარჯვება! 2024 წლის დასაწყისი ჩვენთვის ახალ დასაწყისს უნდა ნიშნავდეს“, - განაცხადა მაკრონმა.

მისი თქმით, დასავლეთმა უნდა გააგრძელოს უკრაინის დახმარება და შექმნას კოალიცია რაკეტებისა და საბრძოლო მასალის მიწოდებისთვის.

საფრანგეთის პრეზიდენტის თქმით, თუ რუსეთი ომს მოიგებს, ევროპისადმი ნდობა ნულამდე დაეცემა.