ბექა ოდიშარია ორ მოსამართლეზე, რომელიც უზენაეს სასამართლოს არ ეთანხმება - ამ მოსამართლეებს ვურჩევდი, თავი დაანებონ კეკლუცობას - წინ რომ გამოხტებიან, შეიძლება, მგელმა შეჭამოსო

ამ ორ მოსამართლეს ვურჩევდი, თავი დაანებონ კეკლუცობას. წინ რომ გამოხტებიან, შეიძლება, მგელმა შეჭამოსო. როგორც წესი, ის ადამიანები ხმაურობენ ყველაზე მეტად, რომელთაც შესაძლოა, ქუდი ეწვოდეთ, - ამის შესახებ საპარლამენტო უმრავლესობის დეპუტატმა, ბექა ოდიშარიამ განაცხადა, რითაც უზენაესი სასამართლოს ორ მოსამართლეს გამოეხმაურა, რომელიც ე.წ. "ვეტინგთან" დაკავშირებით, უზენაესი სასამართლოს განცხადებას არ იზიარებს.

როგორც ოდიშარია აცხადებს, შესაძლოა აღმოჩნდეს, რომ სწორედ ეს ორი მოსამართლე არ არის რაღაცაში კეთილსინდისიერი.

მისივე თქმით, "ვეტინგის" სისტემა არის "ადეიშვილიზმი", ანუ ზურაბ ადეიშვილის სისტემა.

"მე როგორც პარლამენტის წევრს და აბსოლუტურად სხვა სახელისუფლებო შტოს წარმომადგენელს, არ მსურს, რომ შევიდე კონფლიქტში, მით უმეტეს, დამოუკიდებელ სასამართლო ხელისუფლებასთან, მაგრამ ამ ორ მოსამართლეს ვურჩევდი, მათაც დაანებონ თავი კეკლუცობას, იმიტომ, რომ არც ერთ მოსამართლეს არ აქვს კეთილსინდისიერების შემოწმებასთან დაკავშირებით პრობლემა და შესაბამისად, წინ რომ გამოხტებიან, შეიძლება მგელმა შეჭამოსო. შეიძლება, აღმოჩნდეს, რომ რაღაცაში არ არიან მართლაც კეთილსინდისიერები. ხომ იცით, როგორც ხდება, ის ადამიანები ხმაურობენ როგორც წესი და ყველაზე მეტად ცდილობენ თავის გამოჩენას, რომელთაც შესაძლოა, ქუდი ეწვოდეთ," - განაცხადა ოდიშარიამ.

ცნობისთვის, მოსამართლეთა კეთილსინდისიერების შემოწმების საგანგებო პროცედურის შესახებ უზენაესი სასამართლოს პოზიციას ამავე სასამართლოს ორი მოსამართლე, ნინო ბაქაქური და ეკატერინე გასიტაშვილი არ იზიარებს. მანამდე, უზენაესმა სასამართლომ განცხადება გაავრცელა, სადაც ე.წ. ვეტინგის სისტემის დანერგვის ინიციატივასთან დაკავშირებით შეშფოთება გამოხატეს. როგორც განცხადებაშია აღნიშნული, ნათელია, რომ ე.წ. ვეტინგი არ მიეკუთვნება საერთაშორისო სტანდარტს, უხეშად ლახავს სახელმწიფოს სუვერენიტეტს, ითვალისწინებს რა სახელმწიფო ხელისუფლების ერთ-ერთი შტოს - სასამართლოს დაკომპლექტების მექანიზმების გარე აქტორების ხელში გადატანას".

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე