გურამ მაჭარაშვილი - საქართველოს პრეზიდენტი თავისი განცხადებით, პრაქტიკულად, აფხაზეთის დამოუკიდებლობას აღიარებს - ზურაბიშვილი უკვე ღიად და აშკარად ასრულებს უცხოური ძალების დაკვეთებს

ეს არის მორიგი მტკიცებულება, როდესაც თუნდაც ფორმალური, მაგრამ მაინც პრეზიდენტი, აკეთებს განცხადებას, რომელიც პირდაპირ ემსახურება ტერიტორიული მთლიანობის აღდგენის წინააღმდეგ გადადგმულ ნაბიჯს - არაღიარების პრინციპის წინააღმდეგ გამოდის და პრაქტიკულად თავისი განცხადებით აღიარებს აფხაზეთის დამოუკიდებლობას,- ასე გამოეხმაურა საპარლამენტო უმრავლესობის წევრი გურამ მაჭარაშვილი საქართველოს პრეზიდენტის სალომე ზურაბიშვილის სოციალურ ქსელში გავრცელებულ პოსტს იმის შესახებ, რომ ოკუპირებული აფხაზეთის ე.წ. სასამართლომ ბიჭვინთის აგარაკების მესამე პირებისთვის გადაცემის აკრძალვის შესახებ კანონის გაუქმებას მხარი არ დაუჭირა, წარწერით: „დამოუკიდებლობის მაგალითი აფხაზი მოსამართლეებისგან“.

მაჭარაშვილის თქმით, სალომე ზურაბიშვილი უკვე ღიად და აშკარად ასრულებს უცხოური ძალების დაკვეთებს.

„ჩვენ, სამწუხაროდ, აღარ გვიკვირს ზურაბიშვილის განცხადებები, რომელიც აზიანებს საქართველოს სახელმწიფოს. ეს არის მორიგი მტკიცებულება, როდესაც თუნდაც ფორმალური, მაგრამ მაინც პრეზიდენტი, აკეთებს განცხადებას, რომელიც პირდაპირ ემსახურება ტერიტორიული მთლიანობის აღდგენის წინააღმდეგ გადადგმულ ნაბიჯს. ჩვენ გვინდა, რომ მშვიდობიანი გზით აღვადგინოთ ტერიტორიული მთლიანობა და ამ დროს არაღიარების პრინციპის წინააღმდეგ გამოდის და პრაქტიკულად, თავისი განცხადებით აღიარებს აფხაზეთის დამოუკიდებლობას. ეს არის სამწუხარო მოცემულობა, მაგრამ არ გვიკვირს, იმიტომ, რომ ზურაბიშვილი უკვე ღიად და აშკარად ასრულებს უცხოური ძალების დაკვეთებს.

მნიშვნელობა არ აქვს მოსამართლეზე იტყვის თუ ნებისმიერ საჯარო მოხელეზე, როდესაც შენ ფორმალური, მაგრამ მაინც პრეზიდენტი აღიარებ რუსეთის მხრიდან აღიარებული დამოუკიდებელი სუბიექტის, აფხაზეთის, რომელიმე საჯარო მოხელეს და მის ლეგიტიმაციას, ეს ნიშნავს, რომ შენ აღიარებ, პრაქტიკულად, აფხაზეთის დამოუკიდებლობას და კიდევ ვიმეორებ, ეს შეცდომა არ მგონია, სამწუხაროდ, ის ასრულებს უცხოური ძალების დაკვეთებს“,- განაცხადა გურამ მაჭარაშვილმა.

ცნობისთვის, საქართველოს პრეზიდენტი სალომე ზურაბიშვილი სოციალურ ქსელში გამოეხმაურა ინფორმაციას იმასთან დაკავშირებით, რომ ოკუპირებული აფხაზეთის ე.წ. სასამართლომ ბიჭვინთის აგარაკების მესამე პირებისთვის გადაცემის აკრძალვის შესახებ კანონის გაუქმებას მხარი არ დაუჭირა. პრეზიდენტმა აღნიშნული ნაბიჯი შეაფასა, როგორც „დამოუკიდებლობის მაგალითი აფხაზი მოსამართლეებისგან.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა